पूर्णपुष्टि, मंसिर २४
नोभेम्बर २५ देखि सुरु भएको लैङ्गिक हिंसा विरुद्धको १६ दिने अभियानको आज अन्तिम दिन गाईघाटको पिपल चौकमा दिप प्रज्वलन गरी कार्यक्रमको समापन भएको छ । ७३ औं अन्तराष्ट्रिय मानव अधिकार दिवस १० डिसेम्बरको दिन संगम सामुदायीक पुस्तकालयमा अन्तरक्रिया तथा दिप प्रज्वलन गरी सम्पन्न भएको हो ।
“जीवन, मर्यादा, समानता र स्वतन्त्रताको अधिकार दिगो शान्ति र समृद्धिको आधार” भन्ने मूल नाराका साथ अन्तराष्ट्रिय मानव अधिकार दिवस मनाई १६ दिने अभियानको अन्य गरिएको छ ।
लैङ्गिक हिंसा विरुद्धको १६ दिने अभियान अन्र्तगत १५ दिन सम्म ८ वटै पालिकामा विभिन्न महिलासंग सम्बन्धी कामहरु भएको जिल्ला समन्वय समिति उदयपुरका उप–प्रमुख गंगा राईले बताउनुभयो । उहाँका अनुसार विशेष गरि जिल्लामा मात्रै केन्द्रित नभएर यो वर्ष भौगोलीरुपले विकट भएका गाँउलाई गाप्रथमिकतामा राखि कार्यक्रम भएको छ । १६ दिने अभियानको अन्तिम दिन मानव अधिकार दिवसको अवसरमा महिला अधिकार कर्मी सिर्जना दनुवारले भन्नु भयो “ यो अवसरमा नेस्पेक, मानव अधिकार एलाइन्स नेपाल, ओरक, हुरण्डेक लगाएतका संस्थाहरुले काम गरेको छ ।” उहाँका अनुसार जिल्लाका सबै वडाहरुलाई समेटेर १६ दिने अभियानका कार्यक्रमहरु सञ्चालन गरिएको छ ।