धनकुटा, मंसिर २० गते ।
धनकुटाको साँगुरीगढीबाट अवैध गाँजासहित १ जना पक्राउ परेको छ । साँगुरीगढी गाउँपालिका–९ सानो सफाई निबासी ५६ बर्षिय राम राई ६९ केजी गाँजासहित पक्राउ परेको हो ।
हिजो दिउँसो साढे १२ बजे जिल्ला प्रहरी कार्यालय धनकुटा र ईलाका प्रहरी कार्यालय भेडेटारबाट गस्तीमा खटेका प्रहरी टोलीले राईलाई घरबाटै गाँजा सहित पक्राउ प्रहरीले जनाएको छ ।
राईले अवैध लागुऔषध गाँजा खेती तथा उत्पादन गरी बिक्री बितरण गर्ने गरेको सुराकको आधारमा खानतलासी गर्दा घर भित्र संचय गरी राखेको ५१ केजी तयारी गाँजा बरामद गरिएको प्रहरीले जनाएको छ । घर वरपर बारीमा लुकाई छिपाई राखेको अवस्थामा १८ केजी गाँजा फेला पारिएको जिल्ला प्रहरी कार्यालय धनकुटाले जनाएको छ ।
बरामद गरिएको गाँजा र पक्राउ परेका राईलाई जिल्ला प्रहरी कार्यालय धनकुटामा ल्याई थप अनुसन्धान भईरहेको प्रहरीले जनाएको छ ।