शुक्र, साउन २३, २०७७
Fri, August 7, 2020

बार्यनले जर्मन कपको उपाधि चुम्यो

पूर्णपुष्टि, असार २१

२० औं पटक जर्मन कपको उपाधि बार्यन म्युनिखले हात पारेको छ । गतराति भएको खेलमा बायर लिभरकुसेनलाई ४–२ गोलले पछि पार्दै बार्यनले जर्मन कपको उपाधि हात पारेको हो ।

योसँगै बार्यनले १३ औं पटक एकै सिजनमा २ वटा घरेलु उपाधि जित्न सफल भयो । खेलको १६ औं मिनेटमा अलाबाले १ गोल र २४ औं मिनेटमा नार्बीले देस्रो गोल गर्दै बार्यनले उपाधी चुमेको हो । त्यस्तै पहिलो हाफमा दुई गोलको अग्रता बनाएको बार्यनको लागि ५९ औं मिनेटमा लेवान्दोस्कीले तेस्रो गोल गरे ।

६३ औं मिनेटमा बन्डेरका गोलमा लिभरकुसेनले खेल तीन एकमा पुर्याएको थियो । तर ८९ औं मिनेटमा फेरि लेवान्दोस्कीले गोल गर्दै खेललाई चार एकको अवस्थामा पुर्याए । खेलको इन्जुरी समयको पाँचौ मिनेटमा लिभरकुसेनले पेनाल्टीमा गोल गर्दै खेल चार दुईको अवस्थामा ल्याएको थियो ।

यो जितपछि बार्यनले लगातार २६ खेलसम्म अपराजित रहने कीर्तिमान पनि बनाएको छ ।

प्रतिक्रिया

%d bloggers like this: