बुध, बैशाख २९, २०७८
Wed, May 12, 2021

कोरोना विरुद्ध लड्न बाइडेनद्वारा टास्क फोर्स घोषणा

पूर्णपुष्टि, कात्तिक २५ 

अमेरिकी राष्ट्रपतिमा निर्वाचित जो बाइडेनले कोरोना भाइरस नियन्त्रणको प्रयासका लागि टास्क फोर्स घोषणा गर्नु भएको छ ।
१३ सदस्यीय टास्क फोर्स गठनको घोषणासँगै बाईडेनले महामारीलाई नियन्त्रण गर्न विज्ञान र विशेषज्ञको कुरालाई मान्ने बताएको अन्तराष्ट्रिय संचारमाध्यले जनाएको छ ।

कोरोना महामारीलाई नियन्त्रण गर्नु आफ्नो पहिलो प्राथमिकता रहेको बाईडेनले बताउँदै आउनु भएको छ । त्यस्तै, बाइडेनले आफ्नो जीवन रक्षाका लागि मास्क लगाउन पनि आग्रह गर्नु भएको छ । तीव्र गतिमा कोरोना भाइरसको महामारी फैलिरहेकाले मास्कको प्रयोग गर्न उहाँले अनुरोध गर्नु भएको हो ।
बाइडेनले अझै खराब अवस्था आउन सक्ने सम्भावना रहेकाले सचेत हुन आग्रह गरेको अन्तराष्ट्रिय संचारमाध्यमले जनाएको छ । कोरोना महामारीसँग जुध्न र कोरोना विरुद्धको खोप खोजीका ठूलो चुनौती रहेको जनाईएको छ । अमेरिका कोरोना भाइरसको महामारीबाट सबैभन्दा धेरै प्रभावित भएको देश हो ।
अमेरिकामा अहिलेसम्म एक करोड ४२ लाखभन्दा धेरैलाई संक्रमण भएको छ । ६५ लाखभन्दा धेरै निको भएका छन् भने दुई लाख ४४ हजारभन्दा धेरैको मृत्यु भएको छ ।

प्रतिक्रिया

%d bloggers like this: