मङ्ल, बैशाख २८, २०७८
Tue, May 11, 2021

मोरङमा घरैबाट उठाएर प्रध्यानाध्यापकको गोली हानी हत्या

पूर्णपुष्टि, मंसिर २३

मोरङ स्थित मिक्लाजुङ गाउँपालिका सरस्वती आधारभूत विद्यालयका प्रधानाध्यापक राजेन्द्र श्रेष्ठको गाली हानी हत्या भएको छ । मंगलबार बिहान चार(पाँच जनाको समूहमा आएका विप्लव समूहका कार्यकर्ताले अपहरण गरी उनको हत्या गरेको प्रहरीको आशंका छ ।

अपहरणमा परेको खबर सुन्नमा आउँदै गर्दा तरुन्तै हत्या भएको खबर आएको वडा अध्यक्ष नरबहादुर राईले बताउनुभयो । राईका अनुसार श्रेष्ठउलाई बिहान ६ बजे घरबाट लगिएको भनिएपनि आफुले भने यो खबर ८ बजेमात्रै थाहा पाएका बताउनुभयो ।

मलाई पनि एक जना भाइले अपहरण भएछ भनी खबर गर्नुभयो,’ राईले भने, ‘के हो त भनेर बुझ्दैगर्दा त गोली हानेर हत्या गरिसक्यो भन्ने खबर आयो ।’

शिक्षक श्रेष्ठलाई घरबाटै उठाएर बर्खे जंगलमा लगेर हत्या गरेको प्रहरी उपरीक्षक सन्तोष खड्काले जानकारी दिनुभयो । बिहान सवा ६ बजेतिर चार पाँचजनाको संख्यामा आएको एक समूहले शिक्षकलाई घरबाट लगेको र घरदेखि करिब ३० मिनेट टाढा जंगलमा लगेर हत्या गरेको प्रहरीको भनाइ छ । शिक्षक श्रेष्ठको टाउकोमा गोली लागेको छ ।

मिक्लाजुङ क्षेत्र विप्लव माओवादीको गतिविधि बढी हुने ठाउँ भएको वडा अध्यक्ष राईले बताउनुभयो । विकट पहाडी क्षेत्र भएका कारण यहाँ सुरक्षाकर्मीको आवातजावत पनि पातलो हुने गरेका कारण विप्लव समूहलाई गतिविधि गर्न सजिलो छ ।

‘विप्लव समूहको आउने(जाने भइरहेको गर्छ भन्छन् । तर, हामीले देखेका छैनौं । हामीसँग चन्दा मागेको छैन,’ वडाध्यक्ष राईले भने । घटनास्थलमा मोरङका विभिन्न प्रहरी कार्यालयबाट टोली परिचालन भएको प्रहरी उपरीक्षक  खड्काले बताउनुभयो ।

 

 

प्रतिक्रिया

%d bloggers like this: