शुक्र, बैशाख ३१, २०७८
Fri, May 14, 2021

कृषकहरुलाई ५० प्रतिशत छुटमा यान्त्रिकरण मेशिन बितरण

 

उदयपुर, चैत्र/२९

त्रियुगा नगरपालिका कृषि विकास शाखा उदयपुरले नगरका व्यवसायीक कृषकहरुलाई शुक्रबार एक कार्यक्रमको आयोजना गरी ५० प्रतिशत छुटमा प्राविधिक तथा यान्त्रिकरण मेशिनहरु वितरण गरेको छ ।

शाखाले ३० ओटा मिनिटिलर ( हाते ट्याक्टर ) ८ ओटा ठेसर ( धान झाँट्ने मेशिन ) र १ ओटा ब्रष्टकटर (धान काट्ने मेशिन )उपलब्ध गरेको त्रियुगा नगरपालिका कृषि विकास शाखाका साहयक प्राविधिक सोम दनुवारले बताए ।

व्यवसायी रुपमा रहेका कृषकहरुको समय र जनशक्तिलाई मध्यनजर गर्दै छिटो छरितो र सरल तरिकाबाट कृषिमा जोड गर्न प्रविधिक मेशिनको उपलब्ध गराएको त्रियुगा नगरपालिकाका मेयर बलदेव चौधरीले बताए ।

समय अनुसारको प्रविधिले मात्रै कृषि क्रान्ति गर्न सकिने र कृषि पेशा व्यवसाय बन्दै जाने कुरमामा पनि मेयर चौधरीले कृषकहरुलाई जानकारी गराए ।

त्यस्तै त्रियुगा नगरपालिकाका उपप्रमुख देवि चौधरीले पनि कृषकहरुका े मर्म र आवश्यकतालाई बुझेर मेशिन वितरण गरेको बताईन् । उदयपुरमा थुप्रै कृषकहरु रहेका कारण सबैलाई पुराउने उदेश्यले सौउलेत रुपमा नसके पनि ५० प्रतिशत छुटमा भएपनि प्राविधिक मेशिनहरु उपलब्ध गराएको उनीले बताईन् ।

यस्तै गरी कृषि ज्ञान केन्द्रका प्रमुख सरोज कान्त अधिकारीले उदयपुरबाट यस्ता उदाहरणीय काम भईरहेको कुरामा सबैलाई सुचित गराउन संञ्चारलाई आग्रह गर्दै अन्य क्षेहरुमा पनि यसको व्यापक कार्य गराउन जोड गरेकाछन् ।

अधिकारीले यसरी एक ठाउँको कामलाई अर्कोले पनि प्रयोग गरेमा एकदिन देशका सबै कृषकहरुलाई यसरीनै सुविधा मिल्ने र देशव्यापी रुपमै कृषि व्यवसायी सफल हुनेमा जोड दिएका छन् ।

त्रियुगा नगरपालिका कृषि विकास शाखाका प्रमुख नाथुराम चौधरीले कृषि औजार वितरण पछि कृषहरुलाई ठुलो राहत मिल्ने बताए । चौधरीले सबै काम मान्छेले नै गर्नु पर्दा धरै समयमा कम उत्पादन हुनाले कृषि व्यवसायीमा समस्या रहेको बताए ।

उनले अव छिटो छरितो र सरल तरिकाले मेशिनको प्रयोगमा समयको बचत कम खर्च र उत्पादनमा विद्धि हुनेमा जोड गर्दै औजार वितरण गरेको बताए ।

कृषि पेशा उसै पनि कष्ठ मेहनत गर्नु पर्ने अवस्थामाका कृषहरुले औजार पाएपछि खुसि व्यक्त गरेको छ । धरै खर्छ धरै समय लगाएर उत्पादन गर्नु पर्ने अवस्थामा छिटो र सरल तहबाट सोचे जस्तै उत्पादन गर्नेमा विश्वासनीय रहेको कृषकहरुले बताएका छन् ।

 

 

प्रतिक्रिया

%d bloggers like this: