बुध, बैशाख २९, २०७८
Wed, May 12, 2021

अवैध ढंगले असुलेको ३९ करोड मेडिकल कलेजले फिर्ता नगरे कारवाही

असोज ७ गते ।

अवै ढंगले मेडिकल कलेजहरूले असुलेका ३९ करोड रुपैयाँ फिर्ता गर्न नमानेपछि सरकारले कारबाहीको दायरामा ल्याउन लागेको छ । सरकारले तोकेको भन्दा १३ लाख रुपैयाँ बढी असुलेको पाइएपछि सरकारले कारबाहीको दायरामा ल्याउन लागेको हो ।

किस्ट कलेज, युनिभर्सल मेडिकल कलेज, चितवन मेडिकल कलेज र नेसनल मेडिकल कलेजले मापदण्ड भन्दा बढी शुल्क लिएको पीडित विद्यार्थीहरुको गुनासो छ । कलेजहरूले बढी लिएका ३९ करोड रुपैयाँ फिर्ता गर्न बाँकी रहेको विद्यार्थी संघर्ष समितिले जनाएको छ ।

मेडिकल कलेजहरुलाई सरकारले अवैध ढंगले असुलिएको शुल्क फिर्ता गर्न एक महिनाको अल्टिमेटम दिएको छ । उक्त कलेजहरुले एक महिनाभित्र विद्यार्थीलाई शुल्क फिर्ता नगरे सरकारले कारबाही गर्ने जनाएको हो ।

यो समाचार आजको राजधानी दैनिकमा छापिएको छ । 

प्रतिक्रिया