पूर्णपुष्टि, असार २१
किरात राई यायोख्खा उदयपुरका जिल्ला अध्यक्ष तथा समाज सेवी बेल्टारका बलधन राईको आज निधन भएको छ । चौदण्डीगढी नगरपालिका वडा नं. ६ समावेसी लाइन निवासी ४७ वर्षीय राईको (टाईफाईट) का कारण निधन भएको पारिवारिक स्रोतले जनाएको छ ।
केहिदिन्देखी सामान्य ज्वरो आउन थाले पछि उनलाई आजै धरान घोपा क्याम्प थप उपचारको लागि लगिएको थियो । तर उनको उपचारकै क्रम्मा निधन भएको जनाइएको परिवारले जनाएको छ ।
उनको हिजो आईतवार कोरोना एन्टिजेन्ट परिक्षण पनि गरिएको थियो । उनको रिपोर्ट नेगेटिभ आएको नगर स्वास्थ्य शाखाले जनाएको छ । राई नेपाल आदिवासी जनजाती महासंघका जिल्ला उपाध्यक्षसमेत थिए । राईको श्रीमती एक छोरा र दुई छोरी छन । राईको दुःखद निधनले जिल्लावासिलाई अपुर्निय क्षेती पुगेको समाजसेवी भुपेन्द्र राईले बताए । राईको निधनप्रति हाम्रो तर्फबाट हार्दिक श्रद्धाञ्जली अर्पण गर्दछौ ।