स्वास्थ्य

बिरसबाबु शाही /पूर्णपुष्टि २१ असोज २०८३  उदयपुर । त्रियुगा नगरपालिका–५ देउरीमा निर्माणाधीन त्रियुगा नगर अस्पतालको शिलान्यास गरिएको छ। भारतीय राजदूतावासका द्वितीय सचिव नारायण सिंहले भूमिपूजन गरी अस्पतालको शिलान्यास गरेका हुन्। थारू आदिवासी बाहुल्य क्षेत्रका नागरिकलाई सहज, सुलभ र गुणस्तरीय स्वास्थ्य सेवा स्थानीयस्तरमै उपलब्ध गराउने उद्देश्यले अस्पताल निर्माण गर्न लागिएको त्रियुगा नगरपालिकाले जनाएको छ। शिलान्यास कार्यक्रममा नगर प्रमुख बसन्तकुमार बस्नेतले नगर अस्पताल सञ्चालनमा आएपछि देउरीलगायत आसपासका नागरिकले सदरमुकामसम्म धाउनुपर्ने बाध्यता कम हुने विश्वास व्यक्त गरे। नगर उपप्रमुख महेश्वरी राईले भारत र नेपालको सम्बन्ध रोटी–बेटीको सम्बन्धभन्दा पनि व्यापक रहेको उल्लेख गर्दै स्थानीय जनताको सेवाका लागि नगर अस्पताल महत्वपूर्ण पूर्वाधार बन्ने बताइन्। कार्यक्रमलाई सम्बोधन गर्दै भारतीय राजदू...

पूर्णपुष्टि संवाददाता २१ असोज २०८३ । उदयपुर गाईघाट । त्रियुगा नगरपालिका–७ चुहाडेमा आयोजित खुला रक्तदान कार्यक्रममा ३० युनिट रगत संकलन भएको छ । दनुवार जागरण समितिको आयोजनामा भएको रक्तदान कार्यक्रममा नेपाल रेडक्रस सोसाइटी जिल्ला शाखा उदयपुरका सभापति मदनराज कट्वालका अनुसार ३० युनिट रगत संकलन गरिएको हो । रक्तदान कार्यक्रममा कोशी प्रदेश सभाका उपसभामुख सृजना दनुवार, त्रियुगा नगरपालिकाका उपप्रमुख महेश्वरी राई, स्थानीय जनप्रतिनिधि, समाजसेवी तथा रक्तदाताहरूको सहभागिता रहेको थियो । कार्यक्रममा नेपाल रेडक्रस सोसाइटी जिल्ला शाखा उदयपुरले प्राविधिक सहयोग गरेको आयोजकले जनाएको छ । रक्तदानमार्फत आकस्मिक तथा उपचारका क्रममा आवश्यक पर्ने रगतको अभाव न्यूनीकरणमा सहयोग पुग्ने अपेक्षा गरिएको छ ।...

पूर्णपुष्टि संवाददाता १९ असोज २०८३ । उदयपुर गाईघाट । जिल्ला आयुर्वेद अस्पताल उदयपुरमा बालबालिकाको स्वास्थ्य तथा सर्वांगीण विकासलाई लक्षित गर्दै स्वर्ण बिन्दु प्राशन कार्यक्रम सञ्चालन गरिएको छ। आयुर्वेद चिकित्सा पद्धतिमा बालबालिकाको शारीरिक तथा मानसिक विकास, पाचन प्रणाली सुदृढीकरण र रोग प्रतिरोधात्मक क्षमता अभिवृद्धिमा सहयोग पुर्‍याउने उद्देश्यले स्वर्ण बिन्दु प्राशन गराइएको अस्पताल प्रमुख डा.गम्भिर झाले बताए। स्वर्ण बिन्दुमा तोकिएको मात्रामा स्वर्ण भस्म, मह र ब्राह्मी घृतलाई विधिपूर्वक मिश्रण गरी तयार गरिएको अर्धतरल पदार्थ प्रयोग हुने बताउदै डा.झाले भने आयुर्वेदमा बालरोगसम्बन्धी ग्रन्थ काश्यप संहिताको लेह अध्यायमा समेत स्वर्ण बिन्दु प्राशनको उल्लेख रहेको बताइएको छ। अस्पतालका अनुसार ज्वरो, अजीर्ण, झाडापखाला, आउँ, रुघाखोकी तथा आपत्कालीन अवस्था भएका बालबालिकालाई स्वर्ण बिन्दु प्राशन ...

विरशवावु शाही /पूर्णपुष्टि गाइघाट, असोज १६ । त्रियुगा नगरपालिकाले डेंगी तथा किटजन्य रोग नियन्त्रण तथा रोकथामका लागि आज (शुक्रबार) देखि नगरभरि ‘हरेक शुक्रबार, सफा शुक्रबार’ अभियान सञ्चालनमा ल्याएको छ। ​असोज महिनाभरि सञ्चालन हुने यस अभियानअन्तर्गत नगरपालिकाका १६ वटै वडामा रहेका सार्वजनिक स्थल, सरकारी तथा निजी कार्यालय, विद्यालय र समुदायमा पुगेर लामखुट्टेको सम्भावित प्रजननस्थल खोजी गरी नष्ट गरिनेछ। ​अभियानका विषयमा जानकारी दिँदै नगरप्रमुख बसन्त बस्नेतले डेंगीको जोखिम घटाउन स्थानीय समुदायकै सक्रिय सहभागिता आवश्यक रहेकाले अभियान सुरु गरिएको बताए। उनका अनुसार विशेष गरी डेंगीको बढी जोखिम मानिएका वडा नं. ३, १०, ११, १२ र १३ मा विभिन्न सरकारी तथा सामाजिक संस्थाहरूको सहकार्यमा बिहान ६:३० देखि ८:३० बजेसम्म विशेष ‘खोज र नष्ट गर’ (Search and Destroy) कार्यक्रम सञ्चालन गरिएको छ। ​यस अभिया...

पूर्णपुष्टि/गाईघाट, असोज उदयपुरको सदरमुकाम गाईघाटस्थित मदन भण्डारी आँखा अस्पतालले विद्यालयस्तरका विद्यार्थीहरूको आँखा जाँच गरी निःशुल्क चस्मा वितरण गरेको छ। अस्पतालले त्रियुगा नगरपालिकाभित्रका विभिन्न विद्यालयमा अध्ययनरत विद्यार्थीहरूको दृष्टि परीक्षण गरी समस्या देखिएकाहरूलाई निःशुल्क चस्मा प्रदान गरेको हो। अस्पतालको प्राविधिक टोलीले प्रत्यक्ष रूपमा विद्यालयहरूमै पुगेर विद्यार्थीहरूको आँखा परीक्षण गरेको थियो। सो क्रममा दृष्टिमा समस्या (दृष्टिदोष) पहिचान भएका विद्यार्थीहरूलाई उनीहरूको आवश्यकताअनुसारको चस्मा निःशुल्क उपलब्ध गराइएको अस्पतालका अध्यक्ष भागवत राउतले जानकारी दिनुभयो। आँखाको दृष्टि कमजोर भएकै कारण धेरै विद्यार्थीले पढाइमा कठिन महसुस गर्ने तथा शैक्षिक प्रगतिमा बाधा पुग्ने गरेको भन्दै अध्यक्ष राउतले यो कार्यक्रमले उनीहरूको दैनिक पठनपाठन र शैक्षिक गतिविधिमा ठूलो सकारात्मक सहय...

पूर्णपुष्टि / उदयपुर, असोज १२ गाईघाट । विश्व रेबिज दिवसको अवसरमा त्रियुगा नगरपालिकाले कुकुर तथा बिरालोलाई लक्षित गरी निःशुल्क रेबिज खोप कार्यक्रम सञ्चालन गरिएको छ । त्रियुगा नगरपालिकाको पशु सेवा शाखाद्वारा आयोजित कार्यक्रम सेप्टेम्बर २८ रेबिज विरुद्धको सचेतनाका लागि आयोजना गरिएको पशु शाखा प्रमुख इन्द्र नारायण चौधरी ले बताए । रेबिज रोगको जोखिम न्यूनीकरण तथा जनचेतना अभिवृद्धि गर्ने उद्देश्यले घरपालुवा तथा सामुदायिक कुकुर–बिरालोलाई निःशुल्क रेबिजविरुद्धको खोप लगाइने चौधरीले बताए। यस वर्षको विश्व रेबिज दिवसको नारा “एकतामा शक्ति, रेबिजबाट मुक्ति” (Stronger Together) रहेको छ। रेबिज रोकथामका लागि नियमित खोप लगाउने, पशुलाई सुरक्षित रूपमा राख्ने तथा रेबिजसम्बन्धी जोखिम देखिएमा समयमै स्वास्थ्य तथा पशु सेवा निकायमा सम्पर्क गर्न नगरपालिकाले आग्रह गरेको छ। “रेबिज रोकथामका लागि खोप लगाऔँ, सुरक्षित स...

पूर्णपुष्टि सम्बाददाता/२ असाेज, २०८३ । उदयपुर उदयपुरकाे त्रियुगा नगरपालिकाले डेंगी तथा किटजन्य रोग नियन्त्रणका लागि ‘हरेक शुक्रबार, सफा शुक्रबार’ अभियान सञ्चालन गर्ने निर्णय गरेको छ । नगरपालिकामा डेङ्गु लगायत कीटजन्य रोगको नियन्त्रण तथा रोकथामसम्बन्धी सरोकारवालासँग अन्तरक्रिया कार्यक्रम आयोजनास‌गै डेंगीको जोखिम न्यूनीकरण, लामखुट्टेको प्रजननस्थल खोजी तथा नष्ट गर्ने र जनचेतना अभिवृद्धि गर्ने उद्देश्यले विभिन्न पाँचवटा निर्णय गरेको हो । निर्णयअनुसार अश्विन महिनासम्म प्रत्येक शुक्रबार नगरपालिकाभित्रका सार्वजनिक निकाय, कार्यालय, विद्यालय तथा सामुदायिक संस्थाहरूमा लामखुट्टेको प्रजननस्थल तथा वासस्थान खोजी गरी नष्ट गर्ने अभियान सञ्चालन गरिनेछ। यसका लागि संघीय तथा प्रादेशिक कार्यालयहरूमा जिल्ला प्रशासन कार्यालयमार्फत तथा विद्यालय, स्वास्थ्य संस्था र विभिन्न संघसंस्थालाई त्रियुगा नगरपालिकाले पत्रा...

एउटा सानो सूचना, ठूलो प्रकोप रोक्ने आधार बन्न सक्छ कुनै पनि रोगको महामारी एकै चोटी ठूलो रूपमा देखा पर्दैन । सुरुमा-सुरुमा समुदायमा साना–साना संकेतहरू देखिन सक्छन् । जस्तै : एकै ठाउँमा धेरै मानिस बिरामी पर्नु, असामान्य रूपमा ज्वरोका बिरामी बढ्नु, कुनै भोजभतेरमा सहभागी भएका धेरै व्यक्ति एकैपटक बिरामी पर्नु वा एउटै परिवार तथा टोलमा धेरै मानिसमा मिल्दोजुल्दो लक्षण देखिनु । यस्ता संकेतलाई समयमै पहिचान गरी सम्बन्धित निकायसम्म पुर्‍याउन सकियो भने सम्भावित प्रकोपलाई सुरुमै नियन्त्रण गर्न सकिन्छ । रोग निगरानी भनेको के हो ? रोग निगरानी भनेको जनस्वास्थ्यमा असर पार्न सक्ने अनपेक्षित घटना, रोगका लक्षण समूह (Syndrome) तथा रोगको निरन्तर पहिचान, सूचना सङ्कलन, प्रमाणीकरण, विश्लेषण, सञ्चार र आवश्यक प्रतिकार्य गर्ने प्रक्रिया हो । यसले रोगको प्रवृत्तिबारे जानकारी दिने, सम्भावित प्रकोपको पूर्वानुमान ...

२५ भदौ, २०८३ । उदयपुर गाईघाटमा रक्तसञ्चार केन्द्र सञ्चालन भएपछि विरामीलाई रगत अभावको समस्या हटेको छ । केन्द्रले जिल्ला अस्पताल उदयपुर, प्रादेशिक अस्पताल कटारी र विभिन्न नीजि अस्पतालहरुमा विरामीलाई रगत उपलब्ध गराउदै आएको छ । रेडक्रस सोसाइटी उदयपुरद्वारा सञ्चालित केन्द्रमा सामाजिक संस्थाहरुले रक्तदान कार्यक्रम मार्फत रगत संकलन गर्ने गरिएको छ । अपुग भएमा वा रगत समुह अनुरुप अभाव भएमा स्वयम्सेवक रक्तदाताबाट उपलब्ध हुने गरेको केन्द्रका प्रयोगशाला प्रमुख अमलाल दासले बताए ।स्वयम्सेवक रक्तदाताहरुको संख्या एकहजार भन्दा बढि रहेका छन् । रातको समयमासमेत स्वयम्सेवक रक्तदाताहरुले आएर रक्तदान गर्ने गरेको केन्द्रले जनाएको छ । प्रमुख दासका अनुसार हालसम्म छ हजार बढि विरामीलाई रगत उपलब्ध गराइसकेको केन्द्रमा मासिक ५०–६० पोण्ड रगत खपत हुने गरेको र त्यतिकै हाराहारीमा उब्रने रगत अन्य जिल्ला पठाउने गरिएको छ । ...

२४ भदौ, २०८३ । उदयपुर उदयपुरको उदयपुरगढी गाउँपालिका–८ स्थित बैझनाथ टोल विकास संस्थाले कसमस सिमेन्ट उद्योगसँग राखेका माग तत्काल सम्बोधन गर्न माग गरेको छ । उद्योगले वडा नम्बर ४ र ८ मा रहेका चुनढुंगा खानीमा उत्खनन् तथा ढुवानी गर्दा प्रभावित क्षेत्रका स्थानीय बासिन्दालाई विभिन्न असर परेको तर उद्योग त्यसप्रति गम्भीर नभएको भन्दै संस्थाले उद्योगको काम रोक्ने निर्णय गरेको जनाएको छ । स्थानीयले उद्योग सञ्चालनका क्रममा वातावरणीय, सामाजिक तथा स्वास्थ्य सुरक्षाका विषयमा गम्भीर लापरबाही भएको आरोप लगाएका छन्। प्रभावित क्षेत्रका नागरिकले उठाएका समस्या समाधान गर्न उद्योगसँगै सरकार पनि जिम्मेवार र गम्भीर हुनुपर्ने माग गरेका छन् । टोल विकास संस्थाले राखेका प्रमुख मागमध्ये पहिलो नम्बरमा खानी उत्खनन्, ढुवानी तथा उद्योग सञ्चालनबाट हुने मानवीय जोखिमलाई ध्यानमा राख्दै मिति २०७९ साल फागुन ७ गते स्थानीय बासिन्दा...