Author: पूर्णपुष्टि

पूर्णपुष्टि, उदयपुर १९ कार्तिक २०८३ । नेपाली कांग्रेसको शेरबहादुर देउवा समूहले उदयपुर जिल्ला कार्यसमितिको नेतृत्व सर्वसम्मत चयन गरेको छ । त्रियुगा नगरपालिकाका मेयर बसन्तकुमार बस्नेत जिल्ला सभापतिमा निर्वाचित भएका छन् । केही समयअघि जिल्ला संयोजकको जिम्मेवारी पाएका बस्नेत बिहीबार सम्पन्न जिल्ला अधिवेशनबाट सभापतिमा सर्वसम्मत चयन भएका हुन् । देउवा पक्षको १५औँ महाधिवेशन तयारी समितिका संयोजक शशांक कोइरालाले बस्नेतलाई जिल्ला सभापति घोषणा गरेका हुन् । नवनिर्वाचित जिल्ला कार्यसमितिको उपसभापतिमा राजेन्द्र पौडेल र भक्त रानामगर चयन भएका छन् । त्यसैगरी सचिवमा विष्णु कोइराला र टेकबहादुर दाहाल सर्वसम्मत निर्वाचित भएका छन् । सहसचिवको नाम भने टुंगो लाग्न बाँकी रहेको सभापति बस्नेतले जानकारी दिए । ‘हाम्रो ३७ सदस्यीय जिल्ला कार्यसमिति चयन भएको छ,’ बस्नेतले भने । जिल्ला अधिवेशनमा नेपाली कांग्रेसका केन्द्री...

वीरसबावु शाही , पूर्णपुष्टि १९ कार्तिक २०८३, उदयपुर । प्रथम त्रियुगा अन्तर्राष्ट्रिय आमन्त्रण गोल्डकप फुटबल प्रतियोगितामा पश्चिम बङ्गालको जर्जियन फुटबल क्लब फाइनलमा प्रवेश गरेको छ । बिहिबार सम्पन्न दोश्रो सेमिफाइनलमा सुनसरीको न्यु स्टार फुटबल क्लबलाई २–१ गोल अन्तरले पराजित गर्दै जर्जियन एफसीले उपाधि भिडन्तमा स्थान सुरक्षित गरेको हो । उदयपुरस्थित थरुहट रंगशालामा भएको प्रतिस्पर्धात्मक खेलमा जर्जियन एफसीले पहिलो हाफमै अग्रता बनाएको थियो । जर्जियनका जर्सी नम्बर ७ का सृजल राईले पहिलो गोल गर्दै टोलीलाई अग्रता दिलाए । त्यसपछि जर्सी नम्बर ९ का संजय धिमालले थप एक गोल गरेपछि जर्जियन २–० ले अघि बढ्यो । दुई गोलले पछि परेको न्यु स्टारले खेलमा फर्कने प्रयास जारी राख्यो । खेलको अन्तिम मिनेटमा न्यु स्टारका जर्सी नम्बर १८ का यसराज विकले एक गोल फर्काए पनि टोलीलाई हारबाट जोगाउन सकेनन् । निर्धारित समयको खे...

पूर्णपुष्टि, उदयपुर । १९ कार्तिक २०८३ नेपाली कम्युनिष्ट पार्टी उदयपुरले दुई महिने राष्ट्रिय जागरण अभियान सञ्चालन गर्ने भएको छ । अभियानमार्फत घरदैलो तथा जनसंवाद कार्यक्रम सञ्चालन गरी नागरिकका दैनिक जनजीविका र स्थानीय समस्यालाई प्राथमिकताका साथ उठाइने पार्टीले जनाएको छ । अभियानबारे जानकारी दिन पार्टीले बिहिबार जिल्ला सम्पर्क कार्यालयमा पत्रकार सम्मेलन आयोजना गरेको हो । पार्टीको कार्तिक १७ गते सम्पन्न बैठकले अभियान सञ्चालन गर्ने निर्णय गरेको थियो । अभियानको उद्घाटन पार्टीका केन्द्रीय सदस्य तथा नेता जगन्नाथ खतिवडाले गरिसकेको पार्टीले जनाएको छ । अभियानअन्तर्गत पार्टीका नेता तथा कार्यकर्ता टोलटोल र घरघरमा पुगेर नागरिकसँग प्रत्यक्ष संवाद गर्ने, स्थानीय समस्या पहिचान गर्ने तथा जनताका माग र दैनिक जीवनसँग जोडिएका मुद्दा सङ्कलन गर्ने कार्यक्रम तय गरिएको छ । त्यसैगरी महँगी, भ्रष्टाचार, काल...

वीरसबाबु शाही, पूर्णपुष्टि १८ कार्तिक २०८३, उदयपुर । कोशी प्रदेशका मुख्यमन्त्री हिक्मतकुमार कार्कीले निजी क्षेत्रसँगको सहकार्यबाट प्रदेशको विकास र समृद्धिलाई गति दिन सकिने बताउनुभएको छ । उदयपुरको त्रियुगा नगरपालिका–६, जलजलेस्थित यातायात व्यवस्था सेवा कार्यालयको नवनिर्मित १३ कोठे भवन उद्घाटन गर्दै मुख्यमन्त्री कार्कीले सार्वजनिक–निजी साझेदारी (पीपीपी) मोडलमार्फत विकासका ठूला परियोजना अघि बढाउन प्रदेश सरकार प्रतिबद्ध रहेको बताउनुभयो । उहाँका अनुसार त्रियुगा नगरपालिकास्थित बरुवा बसपार्क पीपीपी मोडलमा निर्माण गर्ने प्रस्तावले प्रदेश लगानी प्राधिकरणबाट स्वीकृति पाइसकेको छ । त्यस्तै, बेलका नगरपालिकामा २५ देखि ३० करोड रुपैयाँको लगानीमा फोहोरमैला व्यवस्थापन परियोजना सञ्चालन गर्न विस्तृत परियोजना प्रतिवेदन (डीपीआर) तयार गर्ने काम भइरहेको छ । मुख्यमन्त्री कार्कीले यातायात व्यवस्था सेवा कार्यालयम...

वीरसबाबु शाही, पूर्णपुष्टि १८ कार्तिक २०८३, उदयपुर । त्रियुगा नगरपालिकाको पहिलो संस्थागत बालमैत्री विद्यालयका रूपमा देउरीस्थित सरस्वती बोर्डिङ स्कुल घोषणा भएको छ । बुधबार आयोजित कार्यक्रममा त्रियुगा नगरपालिकाकी उपप्रमुख महेश्वरी राईले विद्यालयलाई नगरपालिकाको पहिलो संस्थागत बालमैत्री विद्यालय बन्न सफल भएकोमा बधाई तथा धन्यवाद व्यक्त गर्नुभयो । उहाँले बालमैत्री विद्यालय निर्माणका लागि भौतिक पूर्वाधार मात्र पर्याप्त नहुने भन्दै विद्यालयको पठन संस्कृति, शिक्षण विधि र समग्र वातावरणसमेत बालमैत्री हुनुपर्नेमा जोड दिनुभयो । कार्यक्रममा निमित्त प्रमुख प्रशासकीय अधिकृत राजकुमार खड्का,वडा सचिव रोशन थापा, विद्यालयका प्रधानाध्यापक सुरेश थापा, अभिभावक, बाल सञ्जालका प्रतिनिधि तथा बालमैत्री वडा फोकल पर्सनलगायतको उपस्थिति रहेको थियो । बालबालिकाको अधिकार संरक्षण, सहभागिता, सिकाइ र सर्वाङ्गीण विकासलाई प्...

वीरसबावु शाही / पूर्णपुष्टि १७ कार्तिक २०८३, उदयपुर । थारुहट रंगशालामा जारी प्रथम त्रियुगा अन्तर्राष्ट्रिय आमन्त्रण गोल्डकप फुटबल प्रतियोगितामा जर्जियन फुटबल क्लब सेमिफाइनलमा प्रवेश गरेको छ । आज भएको सेमिफाइनल प्रवेशको अन्तिम खेलमा ए डिभिजन क्लब नेपाल पुलिसलाई २–१ गोल अन्तरले पराजित गर्दै जर्जियनले अन्तिम चारमा स्थान सुरक्षित गरेको हो । खेलको पहिलो हाफमै जर्जियनले दुई गोलको अग्रता बनाएको थियो । नेपाल पुलिसमाथि दबाब सिर्जना गर्दै जर्जियनका जर्सी नम्बर ९ का खेलाडी सञ्जय धिमालले व्यक्तिगत दुई गोल गर्दै टोलीलाई बलियो अवस्थामा पुर्‍याएका थिए । दोस्रो हाफमा भने नेपाल पुलिसले खेलमा फर्कने प्रयास गर्दै अधिकांश समय बल आफ्नो नियन्त्रणमा राख्यो । जर्जियनका खेलाडीले गरेको फलपछि डिबक्स नजिकैबाट प्राप्त फ्रिकिकलाई सदुपयोग गर्दै नेपाल पुलिसका जर्सी नम्बर ७ का राम बजिले एक गोल फर्काए । खेलको अ...

१६ कार्तिक २०८३, पूर्णपुष्टि उदयपुर । दनुवार समुदायको राष्ट्रिय पर्व न्वाङ्गी तथा तेस्रो दनुवारी खाना परिकार एवं सांस्कृतिक उत्सव २०८३ आगामी मंसिर २५ देखि २७ गतेसम्म उदयपुरमा आयोजना हुने भएको छ । त्रियुगा नगरपालिका–८ स्थित बैरेनी चौरमा तीन दिनसम्म सञ्चालन हुने उत्सवमा दनुवार समुदायको मौलिक संस्कृति, परम्परा तथा परिकार प्रदर्शन गरिने नेपाल दनुवार समाज उदयपुरका अध्यक्ष केदार दनुवारले जानकारी दिए । उत्सवको तयारीका लागि आइतबार बसेको बैठकले दनुवार जागरण समिति उदयपुरका अध्यक्ष कृष्णराज दनुवारको संयोजकत्वमा मूल आयोजक समिति गठन गरेको छ । साथै, आर्थिक, प्रचारप्रसार, सांस्कृतिक तथा व्यवस्थापनलगायतका उपसमिति गठन गरिएको छ । बैठकले दनुवार समुदायको भाषा, संस्कृति र पहिचान संरक्षणका लागि सांस्कृतिक संग्रहालय स्थापना प्रक्रिया अघि बढाउने तथा मतदाता नामावली अद्यावधिक गर्न समुदायस्तरमा अभियान सञ्चा...

वीरसबाबु शाही / पूर्णपुष्टि १६ कार्तिक २०८३, उदयपुर । प्रथम त्रियुगा अन्तर्राष्ट्रिय आमन्त्रण गोल्डकप फुटबल प्रतियोगितामा सातदोबाटो युवा क्लबले सेमिफाइनलमा स्थान सुरक्षित गरेको छ । सोमबार उदयपुरको गाइघाटस्थित थारुहट रंगशालामा भएको क्वार्टरफाइनल खेलमा हानामी फुटबल क्लब चितवनलाई ३–१ गोल अन्तरले पराजित गर्दै सातदोबाटो अन्तिम चारमा प्रवेश गरेको हो । खेलको पहिलो हाफमै दुई गोलको अग्रता बनाएको सातदोबाटोले दोस्रो हाफमा थप एक गोल गर्दै जित सुनिश्चित गर्‍यो । पहिलो हाफमा सातदोबाटोको आक्रामक खेलसामु दबाबमा परेको हानामीले दोस्रो हाफमा भने सुधारिएको प्रदर्शन गरेको थियो । दोस्रो हाफमा हानामीका जर्सी नम्बर १७ का सबिन लुङ्गेलीले एक गोल गर्दै टोलीलाई खेलमा फर्काउने प्रयास गरे । तर सातदोबाटोका रोहन कार्कीले लगत्तै गोल थपेपछि हानामीको पुनरागमन प्रयास सफल हुन सकेन । हानामीले गोलका केही राम्रा अवसर...

पूर्णपुष्टि /उदयपुर /कार्तिक १६ गते । सशस्त्र  प्रहरी बल (एपिएफ) को ईन्टेलिजेन्स ब्यूरोको विशेष सक्रियतामा उदयपुरमा अहिलेसम्मकै ठूलो परिमाणमा अवैध लागुऔषध गाँजा बरामद गरिएको छ । ब्यूरोको विशेष सूचनाका आधारमा खटिएको टोलीले जिल्लाको बेलका नगरपालिका-८ स्थित दिवाजोर, मैनामैनी-कोशीपुल भित्री सडक खण्डबाट ७ हजार ८ सय २६ दशमलव ८० केजी (७८ क्विन्टलभन्दा बढी) कालो गाँजा बरामद गरेको हो । सशस्त्र प्रहरीका अनुसार आइतबार (कार्तिक १५ गते) साँझ अन्दाजी १७:५५ बजेको समयमा एपिएफ ईन्टेलिजेन्स ब्यूरोका सशस्त्र प्रहरी उपरीक्षक (स.प्र.उ.) विक्रम होमागाईको कमाण्डमा खटिएको विशेष टोलीले उक्त अवैध खेप समात्न सफल भएको हो । ब्यूरोको टोली, सशस्त्र प्रहरी बल नेपाल नं. ४ गण हेडक्वार्टर सुनसरी र नं. ५ गण हेडक्वार्टर उदयपुरको संयुक्त टोलीले प्रदेश नं. १-०२-००२ ख ०२०६ नम्बरको ट्रकलाई शंकास्पद अवस्थामा फेला पारी चेकज...

वीरसबाबु शाही / पूर्णपुष्टि १५ कार्तिक २०८३, उदयपुर । प्रथम त्रियुगा अन्तर्राष्ट्रिय आमन्त्रण गोल्डकप फुटबल प्रतियोगिताअन्तर्गत आज भएको खेलमा चित्लाङ एफसीलाई टाइब्रेकरमा पराजित गर्दै न्यु स्टार एफसी सुनसरी सेमिफाइनलमा प्रवेश गरेको छ । उदयपुरको थारुहट रंगशालामा भएको प्रतिस्पर्धात्मक खेलमा निर्धारित समयमा दुवै टोलीले २–२ गोलको बराबरी खेलेपछि खेलको निर्णय टाइब्रेकरबाट गरिएको थियो । टाइब्रेकरमा न्यु स्टार सुनसरीले चित्लाङ एफसीलाई ४–३ गोल अन्तरले पराजित गर्दै अन्तिम चारमा स्थान सुरक्षित गरेको हो । खेलको निर्धारित समयभर दुवै टोलीले उत्कृष्ट प्रतिस्पर्धा प्रस्तुत गरेका थिए । दुवै पक्षबाट समान दुई गोल भएपछि विजेताको टुङ्गो टाइब्रेकरबाट लगाइएको थियो । आजको खेलमा उत्कृष्ट प्रदर्शन गरेका न्यु स्टार एफसी सुनसरीका गोलरक्षक सन्देश चौधरी म्यान अफ द म्याच घोषित भएका छन् । चौधरीलाई कोशी प्रदेशस...