Breaking News 2

बिरसबाबु शाही/पूर्णपुष्टि १९ असोज, २०८३ । उदयपुर गाईघाट । त्रियुगा नगरपालिका–१२ स्थित बरुवा क्याम्पसले आफ्नो स्थापनाको १७औँ वार्षिक साधारण सभा सम्पन्न गरेको छ । क्याम्पसको सभा हलमा आयोजित साधारण सभाको उद्घाटन कोशी प्रदेश सभाकी उपसभामुख सिर्जना दनुवारले गर्नुभएको थियो । उद्घाटन सत्रलाई सम्बोधन गर्दै उपसभामुख दनुवारले स्नातक तहको शिक्षाको गन्तव्यका रूपमा विकास हुँदै गएको बरुवा क्याम्पसलाई कोशी प्रदेश सरकारका तर्फबाट आवश्यक सहयोग जुटाउन आफू सक्रिय रहने बताउनुभयो । सर्वसुलभ रूपमा गुणस्तरीय शिक्षा प्रदान गर्न क्याम्पसले खेलेको भूमिका अतुलनीय रहेको उहाँको भनाइ थियो । कार्यक्रममा अभियन्ता तथा शिक्षाप्रेमी राहुल यादवले वार्षिक साधारण सभा प्रतिवेदन प्रस्तुत गर्ने र बजेट पारित गर्ने औपचारिक कार्यक्रम मात्र नभई विगतको समीक्षा, वर्तमानको मूल्याङ्कन तथा आगामी दिनको स्पष्ट मार्ग तय गर्ने महत्वपू...

पूर्णपुष्टि संवाददाता १९ असोज २०८३ । उदयपुर गाईघाट । जिल्ला आयुर्वेद अस्पताल उदयपुरमा बालबालिकाको स्वास्थ्य तथा सर्वांगीण विकासलाई लक्षित गर्दै स्वर्ण बिन्दु प्राशन कार्यक्रम सञ्चालन गरिएको छ। आयुर्वेद चिकित्सा पद्धतिमा बालबालिकाको शारीरिक तथा मानसिक विकास, पाचन प्रणाली सुदृढीकरण र रोग प्रतिरोधात्मक क्षमता अभिवृद्धिमा सहयोग पुर्‍याउने उद्देश्यले स्वर्ण बिन्दु प्राशन गराइएको अस्पताल प्रमुख डा.गम्भिर झाले बताए। स्वर्ण बिन्दुमा तोकिएको मात्रामा स्वर्ण भस्म, मह र ब्राह्मी घृतलाई विधिपूर्वक मिश्रण गरी तयार गरिएको अर्धतरल पदार्थ प्रयोग हुने बताउदै डा.झाले भने आयुर्वेदमा बालरोगसम्बन्धी ग्रन्थ काश्यप संहिताको लेह अध्यायमा समेत स्वर्ण बिन्दु प्राशनको उल्लेख रहेको बताइएको छ। अस्पतालका अनुसार ज्वरो, अजीर्ण, झाडापखाला, आउँ, रुघाखोकी तथा आपत्कालीन अवस्था भएका बालबालिकालाई स्वर्ण बिन्दु प्राशन ...

बिरसबाबु शाही / पूर्णपुष्टि १९ असोज २०८३ । उदयपुर गाईघाट । त्रियुगा नगरपालिका–५ स्थित श्रीपुर सामुदायिक खानेपानी तथा सरसफाइ उपभोक्ता व्यवस्थापन समितिको नयाँ खानेपानी ट्यांकीको उद्घाटन गरिएको छ। ट्यांकीको उद्घाटन भारतीय राजदूतावासका प्रथम सचिव नारायण सिंहले गरेका हुन्। उद्घाटन समारोहलाई सम्बोधन गर्दै त्रियुगा नगरपालिकाका मेयर बसन्त कुमार बस्नेतले भारतीय सहयोगमा सम्पन्न योजनाले नगरवासीका लागि महत्वपूर्ण उपलब्धि हासिल भएको बताए। उनले खानेपानीजस्तो आधारभूत आवश्यकतासँग जोडिएको परियोजनाले स्थानीय नागरिकलाई प्रत्यक्ष लाभ पुग्ने उल्लेख गरे। नगरपालिकाका उपप्रमुख महेश्वरी राईले स्थानीय सरकार जनताप्रति अहोरात्र उत्तरदायी रहेको बताउँदै नागरिकका आधारभूत आवश्यकता पूरा गर्न स्थानीय सरकार प्रतिबद्ध रहेको बताइन्। त्रियुगा–५ का वडाध्यक्ष उद्धव थापाले योजना सम्पन्न गर्न महत्वपूर्ण योगदान पुर्‍याएको ...

पूर्णपुष्टि सम्वाददाता असोज १९ । गाईघाट त्रियुगा नगरपालिका १६ स्थित श्री माद्यामिक बिद्यालय भोर्लेको आयोजनामा ‘अब छोरीको पालो’ भन्ने मूल नाराका साथ वडा दसैँ तथा दीपावलीको अवसरमा आयोजित अन्तरविद्यालय यू–१६ छात्रा भलिबल प्रतियोगिता २०८३ सम्पन्न भएको छ । असोज १६ गतेदेखि सञ्चालन भएको प्रतियोगितामा ९ वटा विद्यालयको सहभागिता रहेको थियो । प्रतियोगितामा त्रियुगा नमुना माध्यमिक विद्यालयले उपाधि जित्दै नगद ३० हजार रुपैयाँ र ट्रफी हात पारेको छ । त्यस्तै माध्यमिक विद्यालय भोर्ले उपविजेता बन्दै नगद २० हजार रुपैयाँ प्राप्त गरेको छ । प्रतियोगितामा नमुना माध्यमिक विद्यालय भलायडाँडा तेस्रो स्थानमा रहँदै नगद १० हजार रुपैयाँसहित ट्रफी प्राप्त गर्न सफल भएको छ । प्रतियोगिताको सर्वोउत्कृष्ट रुस्मा अछामी, सर्वोउत्कृष्ट सेटर ख््राष्टिना राई,सर्वोउत्कृष्ट सर्भर निशा श्रेष्ठ, सर्वोउत्कृष्ट लिब्रो मेलिसा रा...

पूर्णपुष्टि सम्वाददात १८ असोज । उदयपुर त्रियुगा नगरपालिकाको भाषा, साहित्य, कला, संस्कृति, इतिहास तथा स्थानीय ज्ञानको संरक्षण र प्रवर्द्धन गर्ने उद्देश्यले गठित त्रियुगा प्रज्ञा प्रतिष्ठान, गाईघाट उदयपुरको पहिलो बैठक सम्पन्न भएको छ। प्रतिष्ठानका अध्यक्ष राममणि पोखरेलको अध्यक्षतामा त्रियुगा नगरपालिकाको पुरानो भवनमा बसेको बैठकले प्रतिष्ठानको संस्थागत तथा कार्यक्रमगत गतिविधिलाई अघि बढाउने महत्वपूर्ण निर्णय गरेको हो। बैठकले त्रियुगा नगरपालिकाको विकास भौतिक पूर्वाधार निर्माणमा मात्र सीमित नभई नगरको मौलिक पहिचान, इतिहास, भाषा, साहित्य, कला, संस्कृति, लोकपरम्परा, लोकज्ञान तथा सिर्जनात्मक प्रतिभाको संरक्षण र विकास पनि स्थानीय सरकारको महत्वपूर्ण जिम्मेवारी भएको निष्कर्ष निकालेको छ। प्रतिष्ठान गठन तथा सञ्चालनका लागि पहल गर्ने त्रियुगा नगरपालिकाका नगर प्रमुख बसन्तकुमार बस्नेत, उपप्रमुख महेश्वर...

बिरस बाबु शाही गाईघाट, असोज १८ । कोशी प्रदेशका मुख्यमन्त्री हिक्मत कुमार कार्कीले त्रियुगा नगरपालिका–१० बासबारीस्थित मदन भण्डारी आँखा अस्पताल, गाईघाटको दृष्टिकुञ्ज परिसरमा दिवंगत आमाबुबाको स्मृतिमा वृक्षारोपण गर्नुभएको छ । दृष्टिकुञ्ज परिसरमा आयोजित वृक्षारोपण कार्यक्रमको सातौँ वार्षिकोत्सवका अवसरमा मुख्यमन्त्री कार्कीले हालै निधन भएकी आमा जानुका देवी कार्की र बुबा बमबहादुर कार्कीको स्मृतिमा बिरुवा रोप्नुभएको हो । कार्यक्रमलाई सम्बोधन गर्दै मुख्यमन्त्री कार्कीले स्मृतिमा गरिने वृक्षारोपणले दिवंगत व्यक्तिको सम्झनालाई जीवन्त राख्नुका साथै वातावरण संरक्षणमा समेत योगदान पु¥याउने बताउनुभयो। उहाँले वृक्षारोपण वातावरण संरक्षणसँगै सामाजिक तथा मानवीय सेवासँग जोडिएको महत्वपूर्ण कार्य भएको उल्लेख गर्नुभयो । दृष्टिकुञ्ज परिसरलाई हरियाली बनाउने तथा दिवंगत व्यक्तिहरूको स्मृतिलाई संरक्षण गर्ने उद...

पूर्णपुष्टि संवाददाता १८ असोज, २०८३ । उदयपुर उदयपुरको त्रियुगा नगरपालिका–११ गाईघाट बजारबाट लागुऔषध ब्राउन सुगरजस्तो देखिने खैरो पदार्थसहित एक जना पक्राउ परेका छन्। आज दिउँसो १ः४५ बजे विशेष सूचनाका आधारमा सशस्त्र प्रहरी बल नेपाल नं. ५ गण हेक्वा त्रियुगा उदयपुरबाट खटिएको १० जनाको मोबाइल गस्ती टोलीले बाबारानी मार्गमा शंकास्पद रूपमा चेकजाँच गर्दा लागुऔषध फेला पारेको हो। पक्राउ पर्नेमा त्रियुगा नगरपालिका–१२ इन्द्रेणी टोलका ३१ वर्षीय छोरा महेन्द्र कार्की रहेका छन्। उनको साथबाट ब्राउन सुगरजस्तो देखिने खैरो पदार्थ अन्दाजी १.३३ ग्राम ६ पोका, नगद २ हजार रुपैयाँ, Samsung Galaxy A07 मोबाइल एक थान र की-प्याड मोबाइल एक थान बरामद गरिएको सशस्त्र प्रहरीले जनाएको छ। त्यस्तै, इन्जिन नम्बर E3Y3E0567317 र चेसिस नम्बर ME1SED1H9J0011158 रहेको प्रदेश नं. १–०५–५८८५ नम्बरको यामाहा स्कुटरसमेत नियन्त्रणमा ल...

बिरशबाबु शाही /पूर्णपुष्टि १७ असोज २०८३ । उदयपुर गाईघाट । थारु तथा मैथिल समुदायमा सन्तानको दीर्घायु, आरोग्य र परिवारको कल्याणको कामना गर्दै मनाइने जितिया पर्व आज त्रियुगा नदी किनाराबाट अस्ताउदो सुर्यलाई अर्ध स्थान आदी गरि अन्य विभिन्न विधिपूर्वक मनाइँदैछ । असोज शुक्ल सप्तमीदेखि नवमीसम्म मनाइने यस पर्वमा विबाहित महिलाहरूले लोकदेवता जितमाहानको पूजा गरी कठोर, कतिपय स्थानमा निर्जला व्रत बस्ने परम्परा रहेको स्थानिय नितु सिहले बताइन । सिहले भनिन सप्तमीमा ‘नहाए–खाए’ तथा तेल–खरी चढाउने, अष्टमीमा जितमाहानको पूजा र कथावाचन गर्ने तथा नवमीमा व्रत पारण गर्ने चलन रहेको छ । जितिया पर्वमा घिरौँलाको पात, तोरीको तेल, पिना, फलफूल, केरालगायतका सामग्री प्रयोग गरिन्छ । चील र स्यालको प्रतीक बनाएर पूजा गर्ने परम्पराले प्रकृति तथा जीवजन्तुप्रतिको सम्मानसमेत झल्काउँछ । दिवङ्गत माता लगायत पूज्य महिलाको स्मरण ...

विरशवावु शाही पूर्णपुष्टि / उदयपुर असोज १७ । गाईघाट । अख्तियार दुरुपयोग अनुसन्धान आयोगको कार्यालय, इटहरीअन्तर्गत आर्थिक वर्ष २०८२/८३ मा दर्ता तथा जिम्मेवारी सरेका कुल उजुरीमध्ये करिब ७३ प्रतिशत फछ्र्यौट भएका छन् । कार्यालयले शुक्रबार उदयपुरमा आयोजना गरेको ‘भ्रष्टाचार नियन्त्रण र सुशासन प्रवर्द्धनमा स्थानीय तहको भूमिका’ विषयक कार्यक्रममा सार्वजनिक गरिएको तथ्यांकअनुसार १२ जिल्लाबाट कुल २ हजार २५४ उजुरी प्राप्त भएका थिए। तीमध्ये १ हजार ६४५ उजुरी फछ्र्यौट भएका छन् भने ६०९ उजुरी बाँकी छन्। जिल्लागत रूपमा पाँचथरको फछ्र्यौट दर सबैभन्दा बढी ९१.३ प्रतिशत रहेको छ। पाँचथरमा अघिल्लो आर्थिक वर्षबाट जिम्मेवारी सरेका ८ र चालू आवमा दर्ता भएका ३८ गरी ४६ उजुरीमध्ये ४२ वटा फछ्र्यौट भएका छन्। त्यस्तै तेह्रथुममा ८७ प्रतिशत उजुरी फछ्र्यौट भएका छन्। ४६ उजुरीमध्ये ४० वटा फछ्र्यौट भएका हुन्। उदयपुरमा कुल...

विरशवावु शाही /पूर्णपुष्टि गाइघाट, असोज १६ । त्रियुगा नगरपालिकाले डेंगी तथा किटजन्य रोग नियन्त्रण तथा रोकथामका लागि आज (शुक्रबार) देखि नगरभरि ‘हरेक शुक्रबार, सफा शुक्रबार’ अभियान सञ्चालनमा ल्याएको छ। ​असोज महिनाभरि सञ्चालन हुने यस अभियानअन्तर्गत नगरपालिकाका १६ वटै वडामा रहेका सार्वजनिक स्थल, सरकारी तथा निजी कार्यालय, विद्यालय र समुदायमा पुगेर लामखुट्टेको सम्भावित प्रजननस्थल खोजी गरी नष्ट गरिनेछ। ​अभियानका विषयमा जानकारी दिँदै नगरप्रमुख बसन्त बस्नेतले डेंगीको जोखिम घटाउन स्थानीय समुदायकै सक्रिय सहभागिता आवश्यक रहेकाले अभियान सुरु गरिएको बताए। उनका अनुसार विशेष गरी डेंगीको बढी जोखिम मानिएका वडा नं. ३, १०, ११, १२ र १३ मा विभिन्न सरकारी तथा सामाजिक संस्थाहरूको सहकार्यमा बिहान ६:३० देखि ८:३० बजेसम्म विशेष ‘खोज र नष्ट गर’ (Search and Destroy) कार्यक्रम सञ्चालन गरिएको छ। ​यस अभिया...