Breaking News 2

पूर्णपुष्टि सम्बाददाता गाईघाट, भदौ ३० । उदयपुरको त्रियुगा नगरपालिकाको मेयर पदका लागि सामाजिक अभियन्ता एवम् सञ्चारकर्मी बुद्धि चाम्लिङ राईले स्वतन्त्र उम्मेदवारी घोषणा गरेका छन् । गाईघाटस्थित पिपलचोकमा मंगलबार आयोजित कार्यक्रममा राईले आफू त्रियुगा नगरपालिकाको मेयरका लागि उपयुक्त पात्र भएको दाबी गर्दै समग्र त्रियुगाको विकासको लागि उम्मेदवारी दिएको घोषणा गरे । उनले आफुसंग त्रियुगाको विकासका लागि स्पष्ट खाका आफूसँग रहेको दावी गरेका छन् । उनले विकास, सुशासन र सशक्त स्थानीय शासनलाई प्राथमिकतामा राखेर समृद्ध त्रियुगा निर्माण गर्ने आफ्नो लक्ष्य रहेको बताए । नगरको समग्र विकासका लागि दीर्घकालीन योजना र प्रभावकारी कार्यान्वयन आवश्यक रहेको भन्दै राईले जनताको सहभागितामा स्थानीय शासनलाई थप बलियो बनाउने प्रतिबद्धता व्यक्त गरे । राईले त्रियुगाको आर्थिक, सामाजिक तथा पूर्वाधार विकासलाई प्राथमिकतामा राख...

एउटा सानो सूचना, ठूलो प्रकोप रोक्ने आधार बन्न सक्छ कुनै पनि रोगको महामारी एकै चोटी ठूलो रूपमा देखा पर्दैन । सुरुमा-सुरुमा समुदायमा साना–साना संकेतहरू देखिन सक्छन् । जस्तै : एकै ठाउँमा धेरै मानिस बिरामी पर्नु, असामान्य रूपमा ज्वरोका बिरामी बढ्नु, कुनै भोजभतेरमा सहभागी भएका धेरै व्यक्ति एकैपटक बिरामी पर्नु वा एउटै परिवार तथा टोलमा धेरै मानिसमा मिल्दोजुल्दो लक्षण देखिनु । यस्ता संकेतलाई समयमै पहिचान गरी सम्बन्धित निकायसम्म पुर्‍याउन सकियो भने सम्भावित प्रकोपलाई सुरुमै नियन्त्रण गर्न सकिन्छ । रोग निगरानी भनेको के हो ? रोग निगरानी भनेको जनस्वास्थ्यमा असर पार्न सक्ने अनपेक्षित घटना, रोगका लक्षण समूह (Syndrome) तथा रोगको निरन्तर पहिचान, सूचना सङ्कलन, प्रमाणीकरण, विश्लेषण, सञ्चार र आवश्यक प्रतिकार्य गर्ने प्रक्रिया हो । यसले रोगको प्रवृत्तिबारे जानकारी दिने, सम्भावित प्रकोपको पूर्वानुमान ...

पूर्णपुष्टि सम्वाददाता/उदयपुर, भदौ २८ । आर्थिक अवस्था कमजोर रहेका त्रियुगा नगरपालिका–११ का तीन दनुवार छोरीका परिवारका लागि निर्माण गरिएको नयाँ घर आज हस्तान्तरण गरिने भएको छ । ३२ वर्षीया आमा आशा सदा दनुवार, ३३ वर्षीय बुबा किसान दनुवारका तीन छोरीहरु १३ वर्षीया सपना दनुवार, १२ वर्षीया कल्पना दनुवार र ७ वर्षीया अर्चना दनुवारलाई नयाँ घर निर्माण गरी हस्तान्तरण गरिने भएको हो । सामाजिक अभियन्ता तथा सञ्चारकर्मी बुद्धिकुमार राईको पहलमा घर निर्माण अभियान सञ्चालन गरिएको थियो । अभियानमा स्थानीय व्यक्ति, व्यवसायी तथा विभिन्न क्षेत्रका सहयोगीहरूले आर्थिक तथा निर्माण सामग्री सहयोग गरे भने विभिन्न व्यक्तिहरुको श्रमदान रह्यो । अभियानबाट प्राप्त नगद २६ हजार ४ सय रुपैयाँ तथा सामग्री सहयोगलाई घर निर्माण, शौचालय निर्माण, ढुवानी तथा आवश्यक अन्य सामग्री खरिदमा प्रयोग गरिएको अभियन्ता राईले बताएका छन् । नयाँ घ...

२७ भदौ, २०६३ । उदयपुर उदयपुरको कटारी नगरपालिका–८ मा चट्याङ लागेर आज एक जनाको मृत्यु भएको छ । मृत्यु हुनेमा ३५ वर्षीय रुद्रबहादुर तामाङ रहेकाे जिल्ला प्रहरी कार्यालय उदयपुरले जनाएको छ । दिउँसो करिब २ः३० बजे अविरल वर्षासँगै चट्याङ पर्दा तामाङ आफ्नै घरको झ्यालमा चट्याङको झट्का लागेर गम्भीर घाइते भएका थिए । तामाङलाई उपचारका लागि प्रादेशिक अस्पताल कटारी ल्याइएकोमा चिकित्सकले मृत घोषणा गरेको हो । घटनाबारे थप अनुसन्धान भइरहेको प्रहरीले जनाएको छ।...

२७ भदौ, २०८३ । उदयपुर उदयपुरको बेलका नगरपालिका–८ आहालेमा बर्षापछि गएरातीको पहिरोले एक घर बगाउनुका साथै तीन घर जोखिममा परेको छ । मेयर अशोक कार्कीका अनुसार स्थानीय मेहरमान राईको घर बगाएको हो । उनको घर पूर्णरुपमा क्षती भएको छ । राती ९  बजे घरसंगै बगेर बेपत्ता भएका मेहरमान भने विहान गाउँको सम्पर्कमा आएका थिए । मेयर कार्कीका अनुसार पहिरोमा भागेर बच्न सफल उनी रातभर जङ्गलमा बसेर विहान गाउँलेको सम्पर्कमा आएका थिए । अन्य तीनघर जोखिममा परेका छन् । स्थानीय अरुणकुमार राई, बमप्रसाद राई र बिरसिंह राईको घर जोखिममा परेका हुन् । तीनवटै घरमा बस्न सक्ने अवस्था छैन । उनीहरुको परिवार सबै विस्थापित छन् । उनीहरुले घर छाडेर सुरक्षित ठाउँमा आश्रय लिएका छन् । मानवीय क्षेती भने भएको छैन । बगेर क्षती भएको मेहरमानसहितको चारैघर परिवारका ३२ जना हाल विस्थापित भएको अवस्था छ । उनीहरुलाई सुरक्षित स्थानको छिमेकीको घरमा र...

 २७ भदौ २०८३ रसुवाको भोटेकोसी नदीमा भदौ १० गते आएको विनाशकारी बाढीमा परी बेपत्ता भएका उदयपुरको त्रियुगा नगरपालिका–४ बगाहाका देवेन्द्र घिमिरेको १७ दिनसम्म पनि पार्थिव शरीर फेला नपरेपछि कुशको प्रतीकात्मक शव बनाएर अन्त्येष्टि गरिएको छ। त्रियुगा–४ स्थित अर्ना खोला र त्रियुगा नदीको दोभानमा कुशलाई मानिसको स्वरूपमा ढालेर तयार पारिएको प्रतीकात्मक शवलाई मृतक देवेन्द्रकै शरीर मानेर हिन्दु संस्कारअनुसार अन्तिम संस्कार गरिएको हो। मृतकका छोरा उज्ज्वल घिमिरेले दागबत्ती दिएर अन्त्येष्टि गरेका छन्। उनले कपाल मुण्डन गरी १३ दिने किरियापुत्री बसेका छन्। देवेन्द्र त्रिशूली हाइड्रो प्रोजेक्टमा कार्यरत थिए। बाढी आउनुभन्दा करिब आधा घण्टाअघि मात्र परिवारसँग फोनमा कुराकानी गरेका उनी त्यसपछि सम्पर्कविहीन भएका थिए। घटनास्थलसम्म पुगेर खोजी गर्दा पनि कुनै अत्तोपत्तो नलागेपछि धार्मिक संस्कार पूरा गर्न अन्त्येष्टि गर...

२६ भदौ, २०८३ । उदयपुर आज विहान पहिरोले थुनिएर ड्याम बनेको सोलुखुम्बुको महाकुलुङ गाउँपालिका – २ र ४ को बीचमा पर्ने हुंगा खोलाबाट पानी क्रमशः बहन थालेसंगै जोखिम कम हुदै गएको छ । ओखलढुंगाका प्रमुख जिल्ला अधिकारी टुवराज पोखरेलका अनुसार त्यहाँ बनेको तालको माथिल्लो भागबाट पानी क्रमिकरुपले बहदै जाँदा जोखिम कम हुदै गएको देखिएको हो । विहान ७ ः ०० बजे ठूलो पहिरो गई थुनिएर करिब एकसय मिटर लामो ड्याम बनेको थियो । थुनिएको तीनघण्टापछि देखि पानी बग्न थालेको थियो । ताल एकैचोटी विष्फोट भएमा त्यसबाट उत्पन्न बाढीले ठूलो क्षती पुर्याउला भन्ने चिन्ता थियो । ड्याम भन्दा तल्लो भेगका खोला तथा तटीय क्षेत्रको बस्ति र संरचनाहरु खतरामा परेको थियो । तत्कालै जोखिममा पर्ने तीन जिल्लाहरु सोलुखुम्बु, ओखलढुङ्गा र उदयपुरले तटीय क्षेत्रका बासिन्दालाई सतर्क रहन सुचित गरेको थियो । ड्याम विष्फोट भएको खण्डमा ओखलढुंगाको जयराम...

पूर्णपुष्टि सम्वाददाता उदयपुर, भदौ २६ । सोलुखुम्बुको महाकुलुङ गाउँपालिका–२ र ४ को KOबीचमा पर्ने हुङ्गा खोलामा ठूलो पहिरो खसेर नदी थुनिएपछि बनेको ड्याम जुनसुकै बेला फुट्न सक्ने भन्दै उदयपुरका नदी तटीय क्षेत्रमा उच्च सतर्कता अपनाउन आग्रह गरिएको छ। शुक्रबार बिहान करिब ७ बजे हुङ्गा खोलामा ठूलो पहिरो खसेर नदी थुनिँदा करिब १०० मिटर लामो र १५ मिटर गहिरो ताल (ड्याम) बनेको जानकारी प्राप्त भएको जिल्ला प्रहरी कार्यालय उदयपुरले जनाएको छ। ड्याम फुटेमा त्यसबाट निस्कने बाढी सोलुखुम्बुको सोताङ तथा थुलुङ दुधकोशी गाउँपालिका हुँदै दुधकोशी नदीमा मिसिने र सोही नदीमार्फत उदयपुर प्रवेश गर्ने जोखिम रहेको प्रहरीले जनाएको छ। सम्भावित बाढीका कारण उदयपुरका कटारी नगरपालिका, ताप्ली गाउँपालिका, लिम्चुङबुङ गाउँपालिका, रौतामाई गाउँपालिका, त्रियुगा नगरपालिका, चौदण्डीगढी नगरपालिका र बेलका नगरपालिका अन्तर्गत दुधकोशी तथा...

२५ भदौ, २०८३ । उदयपुर गाईघाटमा रक्तसञ्चार केन्द्र सञ्चालन भएपछि विरामीलाई रगत अभावको समस्या हटेको छ । केन्द्रले जिल्ला अस्पताल उदयपुर, प्रादेशिक अस्पताल कटारी र विभिन्न नीजि अस्पतालहरुमा विरामीलाई रगत उपलब्ध गराउदै आएको छ । रेडक्रस सोसाइटी उदयपुरद्वारा सञ्चालित केन्द्रमा सामाजिक संस्थाहरुले रक्तदान कार्यक्रम मार्फत रगत संकलन गर्ने गरिएको छ । अपुग भएमा वा रगत समुह अनुरुप अभाव भएमा स्वयम्सेवक रक्तदाताबाट उपलब्ध हुने गरेको केन्द्रका प्रयोगशाला प्रमुख अमलाल दासले बताए ।स्वयम्सेवक रक्तदाताहरुको संख्या एकहजार भन्दा बढि रहेका छन् । रातको समयमासमेत स्वयम्सेवक रक्तदाताहरुले आएर रक्तदान गर्ने गरेको केन्द्रले जनाएको छ । प्रमुख दासका अनुसार हालसम्म छ हजार बढि विरामीलाई रगत उपलब्ध गराइसकेको केन्द्रमा मासिक ५०–६० पोण्ड रगत खपत हुने गरेको र त्यतिकै हाराहारीमा उब्रने रगत अन्य जिल्ला पठाउने गरिएको छ । ...

२४ भदौ, २०८३ । उदयपुर उदयपुरको उदयपुरगढी गाउँपालिका–८ स्थित बैझनाथ टोल विकास संस्थाले कसमस सिमेन्ट उद्योगसँग राखेका माग तत्काल सम्बोधन गर्न माग गरेको छ । उद्योगले वडा नम्बर ४ र ८ मा रहेका चुनढुंगा खानीमा उत्खनन् तथा ढुवानी गर्दा प्रभावित क्षेत्रका स्थानीय बासिन्दालाई विभिन्न असर परेको तर उद्योग त्यसप्रति गम्भीर नभएको भन्दै संस्थाले उद्योगको काम रोक्ने निर्णय गरेको जनाएको छ । स्थानीयले उद्योग सञ्चालनका क्रममा वातावरणीय, सामाजिक तथा स्वास्थ्य सुरक्षाका विषयमा गम्भीर लापरबाही भएको आरोप लगाएका छन्। प्रभावित क्षेत्रका नागरिकले उठाएका समस्या समाधान गर्न उद्योगसँगै सरकार पनि जिम्मेवार र गम्भीर हुनुपर्ने माग गरेका छन् । टोल विकास संस्थाले राखेका प्रमुख मागमध्ये पहिलो नम्बरमा खानी उत्खनन्, ढुवानी तथा उद्योग सञ्चालनबाट हुने मानवीय जोखिमलाई ध्यानमा राख्दै मिति २०७९ साल फागुन ७ गते स्थानीय बासिन्दा...