Breaking News 2

उदयपुर, साउन ८ गते । उदयपुरको सदरमुकाम गाईघाटमा ५५ विगाहा भन्दा बढि जग्गा अतिक्रमण गरी हात्तिमारा खोला नै गायव बनाएको भन्दै सोको खोजिका लागि सरकारलाई दवाव दिन आज गाईघाट मुख्यचौकमा नागरिक प्रदर्शनी भएको छ । “हात्तिमारा खोइ ? लेखिएका प्लेकार्डसहित प्रदर्शन गर्दै हात्तिमारा खोला संरक्षण अभियान, गाईघाटले मुख्यचौकमा प्रदर्शनी गरेको हो । प्रदर्शनीमा सयौंकको संख्यामा नागरिकहरु स्वतस्फुर्त सहभागि भई “हात्तिमारा खोइ” को नारा लगाएका थिए । सरकारले तत्काल छानविन गरी अतिक्रमण र विक्रीवितरण गरिएको खोलाको सरकारी सार्बजनिक जग्गाको खोजी गर्नुपर्ने माग उनीहरुले राखेका छन् । अभियानका संयोजक खेमनारायण यादवका अनुसार भु–माफिया र जग्गा दलालहरुले २०६४ सालदेखि अतिक्रमण गरी खोला पुरेर बेपत्ता पारेका छन् भने तत्कालिन सरकारी अधिकारीहरुसमेतको मिलेमतोमा सोझासिधा नागरिकहरुलाई विक्री वितरण गरेको अरोप अभियानताहरुको छ । ...

पूर्णपुष्टि/उदयपुर, साउन ७ । विभिन्न दलको एकताबाट बनेको नेपाली कम्युनिष्ट पार्टीको ४९९ सदस्यीय उदयपुर जिल्ला कमिटि आज घोषणा भएको छ । पार्टी उदयपुर एकता भेलाको आयोजना गरी विनोद खड्काको संयोजकत्व तथा दोर्ण पौडेलको सहसंयोजकत्वमा बनेको जिल्ला कमिटिको सफत ग्रहणसमेत आज नै भएको छ । कमिटिलाई पार्टीको कोशी प्रदेश इन्चार्ज एवम् पूर्व मुख्यमन्त्री राजेन्द्र राईले सपथ गराएका हुन् । नयाँ कमिटि तथा कार्यकर्ताहरुलाई पार्टीका केन्द्र तथा प्रदेश तहका नेताहरुले प्रशिक्षणसमेत दिएका छन् । पार्टीका प्रदेश संयोजक हर्कबहादुर नेमवाङ (मिक्सो), प्रदेश सह इन्चार्ज सावित्राकुमार काप्mले, अर्का सहइन्चार्ज पर्शुराम बस्नेत लगायतका नेताहरुले प्रशिक्षण दिएका थिए । नेताहरुले प्रशिक्षणात्मक मन्तब्य दिदै अवको नेपाली राजनीतिक शक्तिको रुपमा उदाएको र पार्टीको शक्ति र सन्देशलाई गाउँटोलसम्म पुर्याउनु पर्ने बताए । नेपाली कम्युन...

उदयपुर, साउन ४ । त्रियुगा नगरपालिकाका सचेत युवा नागरिकहरूले हातिमारा खोला र त्रियुगा खोलाको सार्वजनिक जग्गा संरक्षण, अतिक्रमण हटाउने तथा भूमाफियामाथि कानुनी कारबाही गर्न माग गर्दै प्रमुख जिल्ला अधिकारीमार्फत जिल्ला प्रशासन कार्यालय उदयपुरमा आज ज्ञापनपत्र बुझाएका छन् । ज्ञापनपत्रमा हातिमारा खोला संरक्षण अभियान २०७९ सालदेखि स्थानीय युवाको नेतृत्वमा सञ्चालन हुँदै आएको उल्लेख गर्दै अभियानको उद्देश्य सार्वजनिक जग्गा संरक्षण, प्राकृतिक स्रोतको रक्षा तथा भावी पुस्ताको अधिकार सुरक्षित गर्नु रहेको जनाइएको छ । अभियानका अनुसार हातिमारा खोला र त्रियुगा खोलाको सार्वजनिक जग्गा अतिक्रमण हटाउन यसअघि पनि नक्सा, अदालतको फैसला तथा अन्य प्रमाणसहित प्रशासन र त्रियुगा नगरपालिकामा पटक–पटक ज्ञापनपत्र बुझाइएको थियो । केही स्थानबाट अतिक्रमण हटाइए पनि पुनः संरचना निर्माण गरी अतिक्रमण भइरहेको र धेरै सार्वजनिक जग्ग...

पूर्णपुष्टि/सप्तरी, साउन ३ । अविरल वर्षापछि कोशी नदीमा पानीको बहाव उल्लेख्य रूपमा बढ्दै २ लाख क्युसेक नाघेको छ। पानीको सतह बढेसँगै कोशी ब्यारेजका ५६ मध्ये २८ वटा ढोका खोलिएको छ भने नदी तटीय क्षेत्रका बासिन्दालाई उच्च सतर्कता अपनाउन प्रशासनले आग्रह गरेको छ। जिल्ला प्रहरी कार्यालय सप्तरीका प्रवक्ता तथा डीएसपी हेमराज घिमिरेका अनुसार आइतबार बिहान ८ बजे कोशी नदीमा १ लाख ७६ हजार ३०५ क्युसेक पानीको बहाव मापन गरिएको थियो। दिउँसो ३ बजेसम्म यो बढेर १ लाख ९० हजार ३९० क्युसेक पुगेको थियो भने दिउँसो ४ बजे २ लाख ९ हजार ८४० क्युसेक पुगेको छ। पानीको बहाव निरन्तर बढ्दै खतराको तह नजिक पुगेपछि कोशी ब्यारेजमा चेतावनीस्वरूप रातो झण्डा फहराइएको छ र रातो बत्तीसमेत बालिएको छ। सम्भावित जोखिमलाई ध्यानमा राख्दै सुरक्षाकर्मी तथा सम्बन्धित निकायलाई उच्च सतर्क अवस्थामा राखिएको छ। प्रशासनले कोशी नदी आसपासका ...

काठमाडौं/असार ३ । फिफा विश्वकप २०२६ को फाइनल खेल नेपाल टेलिभिजनले निःशुल्क प्रसारण गर्ने भएको छ । नेपाल टेलिभिजनको एनटिभी प्लस च्यानलबाट सोमबार बिहान १२ः४५ बजे हुने फाइनल खेल प्रत्यक्ष प्रसारण गरिने जनाइएको छ। उपाधिका लागि अर्जेन्टिना र स्पेनबीच प्रतिस्पर्धा हुनेछ। सञ्चार तथा सूचना प्रविधिमन्त्री विक्रम तिमिल्सिनाले फाइनल खेल एनटिभी प्लसमार्फत निःशुल्क हेर्न सकिने जानकारी दिएका छन्। यसअघि विश्वकपका खेलहरू हेर्न दर्शकले सदस्यता ९सब्सक्रिप्सन० शुल्क तिर्नुपर्ने व्यवस्था थियो। तर फाइनल खेल भने सबै दर्शकले निःशुल्क हेर्न पाउने भएका छन्। सरकारले फाइनलसँगै विश्वकपका केही अन्य खेलसमेत निःशुल्क प्रसारण गर्ने घोषणा गरेपछि विश्वकप प्रसारण अधिकारका लागि करिब ५ करोड रुपैयाँ खर्च गरेको रेडबुल मिडियाको लगानीबारे पनि विभिन्न तहमा चर्चा सुरु भएको छ।...

पूर्णपुष्टि/उदयपुर, असार ३२ । उदयपुर जिल्ला अदालतले दुई वर्षभन्दा पुराना मुद्दाको संख्या शून्यमा झार्दै पुराना मुद्दा फछ्र्यौट अभियानलाई सफल बनाएको छ । आर्थिक वर्ष २०८२/०८३ को प्रगति विवरण सार्वजनिक गर्दै अदालतले दुई वर्ष नाघेका फैसला कार्यान्वयनका कुनै पनि मुद्दा बाँकी नरहेको जनाएको हो । अदालतका जिल्ला न्यायाधीश मुकेश उपाध्यायका अनुसार पुराना मुद्दा समयमै टुंग्याउने नीतिले प्रभावकारी परिणाम दिएको छ। उनका अनुसार चालु आर्थिक वर्षमा अदालतले लक्ष्यको १०२ दशमलब ३३ प्रतिशत प्रगति हासिल गरेको छ । हाल १८ महिना नाघेका फछ्र्यौट हुन बाँकी ६ वटा मुद्दा मात्र रहेका छन् । अदालतको तथ्यांकअनुसार आर्थिक वर्ष २०८२/०८३ मा जिम्मेवारी सरी आएका र नयाँ दर्तासहित कुल २ हजार ४ सय ८७ मुद्दामध्ये १ हजार ६ सय २९ मुद्दा फछ्र्यौट गरिएको छ, जुन ६७ दशमलब ०२ प्रतिशत हो । अब ८ सय २० मुद्दा मात्र बाँकी रहेका छन् । ...

उदयपुर, असार ३२ । उदयपुरमा असारभरमा ५५ प्रतिशतमात्र धान रोपाइ भएको छ । खडेरीको कारण रोपाइमा ढिलाइ भएको कृषकहरुले बताएका छन् । कृषि ज्ञान केन्द्र उदयपुुरका बालि विकास अधिकृत फुलकुमारी चौधरीका अनुसार जिल्लाको १३ हजार ३२६ हेक्टर वर्षे धानखेत मध्ये रोपाइ हालसम्म ५५ प्रतिशत मात्र भएको हो । असारको अन्तिममा वर्षात भएपछि कृषकहरुले हतारहतार धान रोपेका हुन् । किसानहरुको खेत अझै बाँझो रहेकोले साउनमा बाँकी रोप्ने दाउमा छन् । साउनमा बर्षातले साथ दिए रोपाइ हुने अन्यथा रोपाइ गर्न नसकिने उनीहरुको चिन्ता छ । गतवर्ष ६३ हजार ९७४ दशमलब ८ मेटिकटन धान फलेको थियो । अव उप्रान्त मौसमले साथ दिएमात्र धानको उत्पादन राम्रो हुने आशा किसानहरुको छ । मौसमले साथ नदिए उत्पादनमा ह्रास आउने चिन्ता उनीहरुमा छ । हालसम्मको रोपाइमा कतिपय कृषकहरुले मोटरबाट पानी तानेर रोपाइ गरेको बताएका छन् । आठ पालिका मध्ये सबैभन्दा बढि चार न...

पूर्णपुष्टि/उदयपुर, असार ३२। उदयपुरको त्रियुगा नगरपालिका–११, असारी रोडमा सगरमाथा मल्टीस्पेशालिटी हस्पिटल आजदेखि औपचारिक रूपमा सञ्चालनमा आएको छ । एक कार्यक्रमका बीच त्रियुगा नगरपालिकाका प्रमुख बसन्त कुमार बस्नेतले रिबन काटेर अस्पतालको उद्घाटन गर्नुभयो। उद्घाटन समारोहलाई सम्बोधन गर्दै नगर प्रमुख बस्नेतले नगरवासीलाई गुणस्तरीय र सुविधा सम्पन्न स्वास्थ्य सेवा प्रदान गर्न यस्ता अस्पतालको आवश्यकता रहेको बताउनुभयो। निजी क्षेत्रको लगानीमा सञ्चालनमा आएको अस्पतालले स्थानीय नागरिकलाई सहज र प्रभावकारी स्वास्थ्य सेवा उपलब्ध गराउने विश्वास व्यक्त गर्नुभयो। अस्पतालका सञ्चालकका अनुसार यहाँ आधुनिक प्रयोगशालासहित २४सै घण्टा आकस्मिक सेवा, दैनिक ओपीडी, रेडियोलोजी सेवा, शल्यक्रिया, आईसीयू, स्त्री तथा प्रसूति (गाइनो) सेवा, अर्थोपेडिक सेवा लगायतका स्वास्थ्य सेवाहरू उपलब्ध हुनेछन्। सामाजिक उत्तरदायित्वअन्...

पूर्णपुष्टि/उदयपुर, असार ३२ । अविरल वर्षापछि पहिरोले क्षति पुर्‍याएको निर्माणाधीन पुवारे–डुमृथुम्का–रानिवास हुँदै रौतामाई मन्दिर जोड्ने सडक अन्तर्गत पुवारे–डुमृथुम्का खण्डमा तत्काल राहत तथा पुनःस्थापना कार्य गरिएको छ । राैतामाइ गाउपालिका–७ का वडाध्यक्ष मनाेज रानाका अनुसार असार २९ र ३० गतेको वर्षापछि सडक पहिरो जाँदा आसपासका कृषियोग्य जमिनमा क्षति पुगेको थियो । त्यसपछि स्थानीय तह, संघीय सरकारका प्रतिनिधि, पूर्व तथा वर्तमान जनप्रतिनिधि, पत्रकार, कलाकार, सामाजिक अभियन्ता, सामाजिक सञ्जाल प्रयोगकर्ता, समाजसेवी, कर्मचारी, व्यवसायी तथा विभिन्न कार्यालयका प्रतिनिधिहरूको संयुक्त पहलमा प्रभावित क्षेत्रको स्थलगत अवलोकन गरिएको हो । टोलीले पहिरोका कारण थुनिएको भल बग्ने खोल्सो तत्काल खुलाउने, खेतमा पुगेको क्षतिलाई न्यून गर्न काल्हा तथा गह्रा निर्माण गरी पानीको उचित निकास मिलाउने कार्य गरेको जनाएको...

पूर्णपुष्टि/चितवन, असार ३२ । मानव–हात्ती द्वन्द्वका कारण चर्चामा रहेको र हालसम्म २५ जनाको ज्यान लिइसकेको जंगली हात्ती ‘ध्रुवे’लाई नियन्त्रणात्मक व्यवस्थापनअन्तर्गत डार्ट गरी यसको दाह्रा काटिएको छ भने घाँटीमा अत्याधुनिक स्याटेलाइट प्रविधिमा आधारित रेडियो कलर जडान गरिएको छ। चितवन राष्ट्रिय निकुञ्जका अनुसार बुधबार राति करिब १०:३० बजे निकुञ्जभित्रको सुखिभार पोस्ट नजिक ध्रुवेलाई फेला पारिएपछि सफलतापूर्वक डार्ट गरिएको हो। त्यसपछि यसको घाँटीमा स्याटेलाइट प्रविधिमा आधारित रेडियो कलर जडान गरी दाह्रा काटेर पुनः जंगलमै छाडिएको निकुञ्जका सूचना अधिकारी अविनाश थापा मगरले जानकारी दिए। गत असार २० गते भरतपुर महानगरपालिका–२३ बेलहट्टाकी २५ वर्षीया आशिका बोटे र उनका ४ वर्षीय छोरा भरत बोटेको ध्रुवेको आक्रमणमा परी मृत्यु भएपछि निकुञ्जले हात्तीको खोजी तीव्र बनाएको थियो। निकुञ्जका अनुसार जडान गरिएको रेड...