Breaking News 2

पूर्णपुष्टि/ ताप्ली, असार ११ उदयपुरको ताप्ली गाउँपालिकाको १९औँ गाउँसभाले आगामी आर्थिक वर्ष २०८३र०८४ का लागि ४१ करोड १७ लाख २८ हजार रुपैयाँ बराबरको बजेट सर्वसम्मत रूपमा पारित गरेको छ। गाउँपालिकाले शिक्षा, स्वास्थ्य, कृषि, पर्यटन, रोजगारी तथा भौतिक पूर्वाधार विकासलाई केन्द्रमा राख्दै बजेट सार्वजनिक गरेको हो। गाउँसभामा प्रस्तुत बजेटले स्थानीय स्रोत–साधनको अधिकतम उपयोग, आधारभूत सेवाको गुणस्तरीय विस्तार तथा दिगो विकासलाई मुख्य लक्ष्य बनाएको गाउँपालिकाले जनाएको छ। बजेटमार्फत नागरिकको जीवनस्तर उकास्ने, उत्पादनमुखी क्षेत्रको प्रवर्द्धन गर्ने तथा स्थानीय अर्थतन्त्रलाई थप सुदृढ बनाउने कार्यक्रम सञ्चालन गरिने उल्लेख गरिएको छ। गाउँपालिकाले “उज्यालो ताप्ली, दिगो विकास, बालमैत्री सहितको पूर्वाधार, स्वास्थ्य, रैथाने कृषि, पर्यटन, रोजगार, हरियाली ताप्ली समृद्धिको आधार” भन्ने मूल नारासहित बजेट ल्य...

पूर्णपुष्टि/उदयपुर, असार ११ स्वास्थ्य कार्यालय उदयपुरले सञ्चारकर्मीहरूका लागि विभिन्न सरुवा तथा किटजन्य रोग नियन्त्रणसम्बन्धी अभिमुखीकरण कार्यक्रम सञ्चालन गरेको छ।स्वास्थ्य कार्यालयमा आज आयोजित कार्यक्रममा औलो, कालाजार, डेंगु, स्क्रब टाइफस, चिकनगुनिया लगायत अन्य इमर्जिङ तथा किटजन्य रोगहरूको अवस्था, जोखिम, रोकथाम तथा नियन्त्रणका उपायबारे जानकारी गराइएको थियो। कार्यक्रममा स्वास्थ्यकर्मीहरूले वर्षायामसँगै डेंगु तथा अन्य किटजन्य रोगको जोखिम बढ्ने भएकाले समुदायस्तरसम्म सचेतना फैलाउन सञ्चारमाध्यमको भूमिका महत्वपूर्ण हुने बताएका थिए। रोगको पहिचान, लक्षण, उपचार र बच्ने उपायका विषयमा सही सूचना सम्प्रेषण गर्न सञ्चारकर्मीहरूलाई आग्रह गरिएको थियो। त्यसैगरी सञ्चारकर्मीहरूले रोग नियन्त्रणका लागि भूमिका निर्वाह गर्ने बताए । कार्यक्रममा स्थानीय तह, स्वास्थ्य संस्था र सञ्चारमाध्यमबीच समन्वय आवश्यक रहे...

पूर्णपुष्टि/उदयपुर, असार ११ उदयपुरगढी गाउँपालिकाको २१औँ गाउँसभा अधिवेशन सम्पन्न भएको छ। बुधबार सम्पन्न गाउँसभाले आर्थिक वर्ष २०८३/८४ का लागि सामाजिक सुरक्षा भत्ता बाहेक ६४ करोड ७७ लाख १९ हजार रुपैयाँ बराबरको बजेट पारित गरेको गाउँपालिकाले जनाएको छ। गाउँपालिकाका अनुसार आगामी बजेटमा दिगो विकासका लक्ष्य हासिल गर्न शिक्षा, स्वास्थ्य, पर्यटन र पूर्वाधार विकासलाई उच्च प्राथमिकतामा राखिएको छ। साथै समावेशी, दिगो तथा गुणस्तरीय संरचना निर्माणमा जोड दिँदै उत्पादनमुखी कृषिको प्रवर्द्धन गर्ने नीति लिइएको छ। गाउँपालिकाले विकासका आधारभूत क्षेत्रलाई केन्द्रमा राखी स्थानीयस्तरको आर्थिक तथा सामाजिक रूपान्तरणमा योगदान पुग्ने गरी बजेट विनियोजन गरिएको जनाएको छ। गाउँपालिकाका प्रवक्ता सहेकबहादुर विश्वकर्मीद्वारा जारी प्रेस विज्ञप्तिमा गाउँसभाबाट बजेट अनुमोदन भई आगामी आर्थिक वर्षका कार्यक्रम कार्यान्वयनको...

उदयपुर, असार ११ आभाशा राष्ट्रिय अभियान नेपाल र मदिना मञ्जरी (नजबुल) फाउन्डेसन नेपालको आयोजनामा तथा त्रियुगा नगरपालिकाको सहयोगमा महिला सशक्तीकरण तथा लैंगिक समानतासम्बन्धी समीक्षात्मक गोष्ठी मंगलवार सम्पन्न भएको छ। मदिना मञ्जरी (नजबुल) फाउन्डेसन नेपालकी अध्यक्ष नजबुल खान (निलम)को अध्यक्षतामा सम्पन्न कार्यक्रममा त्रियुगा नगरपालिकाको न्यायिक समिति सदस्य मिरा विक प्रमुख अतिथिका रूपमा सहभागी हुनुहुन्थ्यो। कार्यक्रममा आभाशा राष्ट्रिय अभियान नेपालका महासचिव ललित साहले अभियानका हालसम्मका उपलब्धि र चुनौतीबारे प्रस्तुति राख्नुभएको थियो भने भिमा कुमारी राईले समानता र समावेशिताका विषयमा धारणा व्यक्त गर्नुभएको थियो। गोष्ठीमा त्रियुगा नगरपालिकाको सामाजिक शाखाकी निरु कार्की, अम्बिका चौधरी, जिल्ला अस्पतालकी डा. निर्मला चौधरी, जिल्ला प्रहरी कार्यालयकी शर्मिला माझी, चेलीबेटी समाज विकासकी अध्यक्ष तारा र...

पूर्णपुष्टि/उदयपुर, असार १० । मदन भण्डारी लोकमार्गमा बढ्दो सडक दुर्घटना तथा कसमस सिमेन्ट उद्योगको चुनढुंगा उत्खनन र ढुवानीका कारण स्थानीयवासीले भोग्दै आएका समस्याको समाधानको माग गर्दै प्रभावित क्षेत्रका बासिन्दाले बुधबार प्रमुख जिल्ला अधिकारी मेखबहादुर मग्रातीलाई ज्ञापनपत्र बुझाएका छन् । स्थानीयवासीको प्रतिनिधिमण्डलले जिल्ला प्रशासन कार्यालय पुगेर ज्ञापनपत्रमार्फत मदन भण्डारी लोकमार्गअन्तर्गत अँधेरी–जोगिटोल सडकखण्डमा निरन्तर भइरहेका दुर्घटनाप्रति गम्भीर ध्यानाकर्षण गराएको हो । ज्ञापनपत्रमा अँधेरी झरनादेखि जोगिटोलसम्म करिब तीन किलोमिटर लामो ओरालो, घुमाउरो र जोखिमयुक्त सडकका कारण सवारीसाधनको ब्रेक फेल भई बारम्बार दुर्घटना हुने गरेको उल्लेख गरिएको छ । यसले जोगिटोल बस्तीसमेत जोखिममा परेकाले सडकको मोड तथा संरचनागत सुधार तत्काल गर्न माग गरिएको छ । त्यसैगरी उदयपुरगढी गाउँपालिका–८ स्थित ख...

पूर्णपुष्टि/उदयपुर, असार १० उदयपुरको त्रियुगा नगरपालिकाले आगामी आर्थिक वर्ष २०८३र०८४ का लागि १ अर्ब ३८ करोड ७७ लाख ७४ हजार रुपैयाँ बराबरको आय÷ब्याय बजेट सार्वजनिक गरेको छ। नगरपालिकाको १७औँ नगरसभामा प्रस्तुत नीति, कार्यक्रम तथा बजेटमा शिक्षा, स्वास्थ्य, कृषि, पूर्वाधार विकास, रोजगार, पर्यटन तथा सुशासनलाई प्राथमिकतामा राखिएको छ। प्रस्तावित बजेटअनुसार संघीय सरकारबाट वित्तीय समानीकरण अनुदानतर्फ २२ करोड १८ लाख, सशर्त अनुदान चालुतर्फ ६२ करोड ८ लाख, विशेष अनुदान १ करोड तथा समपूरक अनुदान ५५ लाख रुपैयाँ प्राप्त हुने अनुमान गरिएको छ। त्यसैगरी प्रदेश सरकारबाट वित्तीय समानीकरण अनुदान २ करोड ३ लाख ४५ हजार, सशर्त अनुदान ५ करोड ४६ लाख २४ हजार रुपैयाँ प्राप्त हुने प्रक्षेपण गरिएको छ। राजस्वबाट १५ करोड १० लाख ९६ हजार, अन्त शुल्कबाट ६ करोड ४७ लाख ६५ हजार तथा सवारी साधन करबाट १ करोड ८७ लाख ९९ हजार २३८ रु...

पूर्णपुष्टि/उदयपुर, असार १० उदयपुर प्रहरीले जुवा खेलिरहेको अवस्थामा चार जनालाई पक्राउ गरेको छ। पछिल्लो समय जिल्लामा जुवाडेहरू धमाधम पक्राउ पर्न थालेका छन्। जिल्ला प्रहरी कार्यालय उदयपुर र अस्थायी प्रहरी पोस्ट बगाहाबाट खटिएको संयुक्त प्रहरी टोलीले आइतबार साँझ करिब ५ बजे त्रियुगा नगरपालिका–४ डाँडाटोलस्थित ईश्वर कार्कीको गोठघरमा छापा मार्दा जुवा खेलिरहेको अवस्थामा चार जनालाई नियन्त्रणमा लिएको हो। पक्राउ पर्नेहरूमा त्रियुगा नगरपालिका–४ का ५० वर्षीय तिलक बुढाथोकी, वडा नं। ११ का ३९ वर्षीय भवननाथ सिग्देल, ४० वर्षीय प्रबिन राई तथा वडा नं। ९ का ४३ वर्षीय दिपक बराल रहेका छन्। प्रहरीले घटनास्थलबाट जुवामा प्रयोग हुने १६ वटा कौडा, नगद ५२ हजार ६ सय रुपैयाँ, पाँच थान मोबाइल र चार थान मोटरसाइकल बरामद गरेको जनाएको छ। पक्राउ परेका चारै जनाविरुद्ध जिल्ला प्रशासन कार्यालय उदयपुरबाट म्याद थप गरी थप अनुस...

पूर्णपुष्टि/उदयपुर, असार ९ । कटारी नगरपालिकाले आगामी आर्थिक वर्ष २०८३/८४ का लागि ९७ करोड ४६ लाख रुपैयाँभन्दा बढीको बजेट सार्वजनिक गरेको छ । हिजाे १७ औँ नगरसभामा प्रस्तुत बजेटले शिक्षा, स्वास्थ्य, भौतिक पूर्वाधार विकास र डिजिटल सुशासनलाई मुख्य प्राथमिकतामा राखेको छ। नगरपालिकाले संघीय तथा प्रदेश सरकारको अनुदान, राजस्व बाँडफाँट, आन्तरिक आम्दानी र मौज्दात रकमलाई बजेटको प्रमुख स्रोतका रूपमा उल्लेख गरेको छ। बजेटमा युवालाई उद्यमशीलतामा जोड्न ‘स्टार्ट–अप अनुदान’ कार्यक्रम, सूचना प्रविधि विस्तार तथा सेवा प्रवाहलाई प्रविधिमैत्री बनाउने योजना समावेश गरिएको छ। स्वास्थ्यतर्फ आयुर्वेद सेवाको स्तरोन्नति गरी आयुर्वेद अस्पताल सञ्चालन गर्ने तथा वडा नं। ११ गहुँबारीमा पाँच शैय्याको नगर अस्पताल स्थापना गर्ने तयारी गरिएको छ। पूर्वाधार विकासअन्तर्गत महाभारत क्षेत्रका वडा नं। ९, १० र १३ मा बाह्रैमासे सडक न...

पूर्णपुष्टि/बेल्टार, असार ९ । चौदण्डीगढी नगरपालिकाले आर्थिक वर्ष २०८३/०८४ का लागि १ अर्ब ३७ करोड ९ लाख ५ हजार २ सय २२ रुपैयाँ बराबरको बजेट सार्वजनिक गरेको छ । नगरपालिकाको २० औँ नगरसभामा उपप्रमुख तथा बजेट तथा कार्यक्रम तर्जुमा समितिकी संयोजक मणिकादेवी दुलालले प्रस्तुत गरेको बजेटमा चालु तथा प्रशासनिक खर्चतर्फ ९१ करोड ८५ लाख रुपैयाँ र कार्यक्रम तथा पुँजीगत खर्चतर्फ ४५ करोड २४ लाख ५ हजार २ सय १२ रुपैयाँ विनियोजन गरिएको छ । बजेटमा नगरपालिकाले शिक्षा, स्वास्थ्य, कृषि, पूर्वाधार विकास, खानेपानी, सरसफाइ, सामाजिक सुरक्षा तथा रोजगारी सिर्जना लगायतका क्षेत्रलाई प्राथमिकतामा राखेको जनाएको छ । नगरपालिकाले आगामी आर्थिक वर्षका कार्यक्रम सञ्चालनका लागि विभिन्न स्रोतबाट बजेट व्यवस्थापन गरेको छ । जसअनुसार संघीय तथा प्रदेश सरकारबाट प्राप्त राजस्व बाँडफाँडमार्फत १७ करोड ६५ लाख ३२ हजार ३ सय १० रुपैयाँ प्राप...

पूर्णपुष्टि/उदयपुर, असार ९ । नेपाल नेत्र ज्योति संघद्वारा सञ्चालित मदन भण्डारी आँखा अस्पताल उदयपुरको आयोजनामा जिल्ला कारागार उदयपुरमा रहेका कैदीबन्दीहरूलाई आज निःशुल्क चस्मा वितरण गरिएको छ । कारागारमा आयोजित कार्यक्रममा त्रियुगा नगरपालिकाकी उपमेयर महेश्वरी राई तथा मदन भण्डारी आँखा अस्पतालका अध्यक्ष भागवत राउतले संयुक्त रूपमा चस्मा वितरण गरेका थिए । कारागार कार्यालयका सूचना अधिकारी महेश विष्टका अनुसार दृष्टि सम्बन्धी समस्या भएका कैदीबन्दीहरूको आँखा परीक्षणपछि आवश्यकता अनुसार चस्मा उपलब्ध गराइएको हो । यस कार्यक्रमले कैदीबन्दीहरूको स्वास्थ्य सेवामा पहुँच बढाउनुका साथै उनीहरूको दैनिक जीवनलाई सहज बनाउन सहयोग पुगेको विश्वास गरिएको छ । कार्यक्रममा कारागार प्रशासन, अस्पतालका प्रतिनिधि तथा अन्य सरोकारवालाहरूको सहभागिता रहेको थियो । संस्थाले समुदायका विभिन्न वर्गलाई लक्षित गरी यस्ता सामाजिक तथा स्व...