पूर्णपुष्टि,फागुन १८
कुकुरको टोकाइबाट धनुषामा १२ बर्षीया बालिकाको मृत्यु भएको छ । जनकपुरधाम उपमहानगरपालिका–१ दर्जी टोलका मोहम्मद अख्तरकी १२ वर्षीया छोरी शिवरन खातुनको कुकुरको टोकाईबाट मृत्यु भएको हो ।
शौचका लागि बाहिर निस्केकी शिवरनलाई कुकुरले टोकेको जिल्ला प्रहरी कार्यालय धनुषाले जनाएको छ ।
कुकुरले टोकेको केही बेरमै उनको मृत्यु भएको प्रहरीले जनाएको छ । मृत्यु भएकी बालिकाको मानसिक अवस्था ठिक नरहेको प्रहरीले जनाएको छ ।
बालिकाको शव पोस्टमार्टमका लागि प्रादेशिक अस्पताल जनकपुरधाममा राखिएको प्रहरीले जनाएको छ ।
