पूर्णपुष्टि, साउन २९
चार लाख ३६ हजार रुपैयाँ बराबरको सुन चाँदीका गहना किनेर पैसा नतिरी भाग्ने एक महिला पक्राउ परेको छ । नयाँ बानेश्वरकी रमिता रञ्जित श्रेष्ठको उजुरीको आधारमा झापाकी शारदा मगरलाई महानगरीय अपराध महाशाखाको टोलीले पक्राउ गरेको हो ।
उनले सिक्री, सुनको लकेट, बाला, सुन र हिराको औँठी लगायतका गरगहना बनाएको र एक सहकारी संस्थाको नक्कली चेक दिएर ठगेको प्रहरीले जनाएको छ ।
२९ वर्षीया शारदा मगरले अरु व्यक्तिलाई पनि ठगेको हुन सक्ने भएकाले ठगीमा परेकाहरुलाई उजुरी दिन अपराध महाशाखाले आग्रह गरेको छ ।