बिराटनगर, फाल्गुन २६ गते ।
मोरङ र झापाको विभिन्न ठाउँबाट १६ ग्राम २५ मिलिग्राम ब्राउनसुगरसहित तीन जनालाई प्रहरीले पक्राउ पगरेका छन् ।
लागुऔषध नियन्त्रण ब्युरो बिराटनगरबाट खटेका प्रहरी टोलीले हिजो साँझ साँढे ६ बजे बेलवारी नगरपालिका–८ निबासी २९ बर्षीय कमानसिंह राईलाई १५ ग्राम खैरो हेरोईन ब्राउनसुगर सहित पक्राउ गरेको प्रहरीले जनाएको छ ।
भारतिय बजार जोगवनीबाट नेपालतर्फ आउँदै गरेका राईलाई चेकजाँच गर्ने क्रममा उनको साथबाट १५ ग्राम ब्राउनसुगर बरामद गरेको प्रहरीले जनाएको छ ।
त्यस्तै ईलाका प्रहरी कार्यालय अनारमनीबाट खटेका प्रहरी टोलीले बिर्तामोड नगरपालिका–७ निबासी ३४ बर्षीय सुरेश खतिवडा र मेचीनगर नगरपालिका–१३ निबासी २२ बर्षीय बिष्णु गिरीलाई ब्राउनसुगरसहित पक्राउ गरेका हुन् ।
उनीहरुको साथबाट १ ग्राम २५ मिलिग्राम ब्राउन बरामद भएको प्रहरीले जनाएको छ । लागुऔषधसहित पक्राउ परेका तीन जना माथी थप अनुसन्धान भईरहेको प्रहरीले जनाएको छ ।
यो पनि पढ्नुस् ।
ईलामको माङसेबुङमा रुखले किचेर एक जनाको मृत्यु भएको छ । माङसेबुङ गाउँपालिका–६ नागी निबासी २६ बर्षीय भुपाल राईको मृत्यु भएको हो ।
घर नजिकै रहेको कटुसको रूख ढाल्ने क्रममा हिजो दिउँसो २ बजे रूख ढलेर किच्दा राई घाईते भएको प्रहरीले जनाएको छ । घाईते भएका राईलाई उपचारको लागी अस्पताल लैजाने क्रममा बाटोमा नै मृत्यु भएको जिल्ला प्रहरी कार्यालय ईलामले जानएको छ ।
घटनाको थप अनुसन्धान भईरहेको जिप्रकाले जनाएको छ ।