पूर्णपुष्टि, असार १३
कैलालीका थप १ जना कोरोना सङक्रमितको मृत्यु भएको छ । गोदावरी नगरपालिका–७ का ५० वर्षीय पुरुषको शनिबार बिहान ९ बजे चितवनको भरतपुर अस्पतालको आईसीयू कक्षमा मृत्यु भएको अस्पतालले जनाएको छ ।
उनी क्यान्सरको बिरामी थियो । चितवन मेडिकल कलेजमा उपचाररत उनलाई बिहीबार राति कोरोना संक्रमण पुष्टि भएपछि भरतपुर अस्पतालमा लगिएको थियो ।
शुक्रबार दिउँसोदेखि स्वास्थ्य अवस्था जटिल बन्दै गएकाले आइसोलेशन वार्डबाट आइसीयूमा सारिएको अस्पतालले जनाएको छ । स्वास्थ्य मन्त्रालयले भने यसबारे पुष्टि गर्न बाँकी छ ।
योसँगै कैलालीमा मात्रै कोरोनाबाट मृत्यु हुनेको संख्या ४ पुगेको छ ।