पूर्णपुष्टि, असोज २५
जिल्ला अस्पताल उदयपुरका एक स्वास्थ्यकर्मीमा कोरोना संक्रमण पुष्टि भएपछि आजदेखि ईमरजेन्सि र प्रसुती सेवा बाहेकका सबै सेवा बन्द गरिएको छ ।
४८ वर्षिष पुरुष रेडियोग्राफीमा कोरोना पुष्टि भएपछि अत्यावश्यक र प्रसूति सेवा बाहेकका सेवा बन्द गर्ने निर्णय गरिएको अस्पतालले जनाएको छ । स्वास्थ्यकर्मीलाई संक्रमण पुष्टी भएकोले थप जोखिम बढ्न नदिन तथा सर्वसाधारणको स्वास्थ्यलाई मध्य नजर गर्दै ईण्डोर सेवा, ओ.पि.डी., ल्याब, एक्सरे सेवा अर्को सूचना प्रकाशित नहुञ्जेलसम्म सेवा बन्द गरिएको जनाईएको छ ।
यस अस्पतालमा कार्यरत सम्पूर्ण स्वास्थ्यकर्मी तथा कर्मचारीहरुको स्वाव संकलनको रिपोर्ट नआएसम्म अति आवश्यक इमरजेन्सी र प्रसूति सेवा बाहेकका सम्पूर्ण सेवा बन्द रहने जनाईएको छ ।
अहिलेसम्म जिल्लामा १ सय ४३ जनामा कोरोना संक्रमण पुष्टी भईसकेको छ ।
