पूर्णपुष्टि, भदौ ३
अछामको रामारोशनमा बाढीले बगाउँदा छ जनाको मृत्यु भएको छ । रामारोशन गाउँपालिका–५ सैनिबजारमा बाढीले बगाउँदा ६ जनाको मृत्यु भएको हो भने ११ जना बेपत्ता भएका छन् ।
गएराति कैलाश खोलामा आएको बाढीले सैनिबजारबाट १७ जना बगाएकोमध्ये ६ जनाको शव कैलाशको विभिन्न ठाउँमा भेटिएको प्रहरीले जनाएको छ ।
बान्नीगढी जयगढ गाउँपालिका–६ दर्नाको कोसेडामा चार जनाको र मंगलसेन नगरपालिका–३ को लमतणा र सेरीमा दुई जनाको शव भेटिएको जनाईएको छ ।
बेपत्ता भएका अन्य ब्यक्तिहरुको खोजी कार्य भईरहेको जिल्ला प्रहरी कार्यालयले जनाएको छ ।