पूर्णपुष्टि, फागुन ३० गते ।
उदयपुरमा युवती बलात्कार गरेको आरोपमा एक जना पक्राउ परेको छ । शारिरीक अपाङ्गता भएकी २६ बर्षिया युवतीलाई बलात्कार गरेको आरोपमा ववित दनुवार पक्राउ परेको हो ।
गत बुधबार राती पीडितको घरको ढोका फुटाई बलात्कार गरेको आरोपमा प्रहरीले त्रियुगा नगरपालिका–९ का १९ बर्षिय दनुवारलाई पक्राउ गरेको प्रहरीले जनाएको छ ।
घरका सबै सदस्य सुतेको मौकाछोपी दनुवारले राती १२ बजे युवती सुतेको ढोका फुटाई पसेर बलात्कार गरेको प्रहरीले जनाएको छ ।
पक्राउ परेका दनुवारलाई प्रहरी हिरासतमा राखी थप अनुसन्धान भईरेहेको जिल्ला प्रहरी कार्यालय उदयपुरले जनाएको छ ।