पूर्णपुष्टि, असार १८
सरकारको सिफारिसमा राष्ट्रपति विद्यादेवी भण्डारीले संसद्को बजेट अधिवेशन अन्त्य गर्नुभएको छ । संसद्को अधिवेशन अन्त्य गरेको पत्र राष्ट्रपति कार्यालयले सङ्घीय संसद् सचिवालयलाई पठाएको छ ।
नेपाल कम्युनिस्ट पार्टी (नेकपा) भित्रको विवाद बढ्दै गएपछि सरकारले संसद्को अधिवेशन अन्त्य गरेको हो । बालुवाटारमा बसेको मन्त्रिपरिषद्को बैठकले आज पाँच बजेदेखि संसद् अधिवेशन अन्त्य गर्ने निर्णय गरेअनुसार राष्ट्रपति विद्यादेवी भण्डारीले संसद्को चालु अधिवेशन अन्त्य गर्नुभएको हो ।