पूर्णपुष्टि, असार २८
स्पेनिस ला लिगा फुटबलमा बार्सिलोनाले जित हात पारेको छ । गतराति भएको खेलमा बार्सिलोनाले रियल भालाडोलिडलाई १ – ० गोललेपछि पार्दै जित हात पारेको हो ।
खेलको १५ औं मिनेटमा भिडालले गरेको गोल बार्सिलोनाको जितमा निर्णायक गोल बन्यो ।
भिडालको गोलमा अस्सिट गरेसँगै मेस्सीले एकै सिजन २० गोल र गोलका लागि २० अस्सिट गर्ने पहिलो खेलाडीको कीर्तिमान बनाएको छ ।
जितसँगै बार्सिलोनाले लिग लिडर रियल मड्रिडसँगको अंक दुरी १ मा झारेको छ । बार्सिलोनाले ३६ खेलमा ७९ अंक जोडेको छ ।
एक खेल कम खेलेको रियलको ८० अंक छ । ३९ अंक जोडेको भालाडोलिड १४ औं स्थानमा छ ।