पूर्णपुष्टि,फागुन २४
अन्तर्राष्ट्रिय नारी दिवसको अवसर पारी महिनावारीको समयमा लगाउने प्याडमा समेत सरकारले कर लगाएको भन्दै काठमाडौंमा विरोध प्रदर्शन गरिएको छ । दिवसको अवसर पारेर संरक्षक समूह नेपालको ब्यानरमा सोमबार काठमाडौंको माइतीघर मण्डलामा प्रदर्शन गरिएको हो ।
‘ल्याऔं कमी भ्याटमा, ट्याक्स नलगाउ प्याडमा’, ‘महिनाको महिनावारी, प्याडको लागि सरकार जिम्मेवारी’ लगायत नारा लेखिएका प्लेकार्डसहित किशोरीहरुले प्रदर्शन गरेका छन् ।
उनीहरुले सडक नाटकसमेत प्रदर्शन गरेर प्याडमा कर हटाउन सरकारको ध्यानाकर्षण गरेको हुन् ।
