उदयपुरको गाईघाटमा एक दिने पहिचान विषयक प्रशिक्षण हुँदै

पूर्णपुष्टि, माघ १२ । उदयपुरको सदरमुकाम गाईघाटमा भोली एक दिने पहिचान विषयक प्रशिक्षण कार्यक्रम हुने भएको छ । शनिबार बिहान ११ बजे त्रियुगा नगरपालिका–१२ स्थितमा रहेको टावन हल होटलमा १ नं प्रदेश पुन:नामाङ्कन संयुक्त संघर्ष समितिको आयोजनामा एक दिने प्रशिक्षण कार्यक्रम संचालन हुने भएको हो।

कार्यक्रमको मुख्य प्रशिक्षको रुपमा पूर्व मन्त्री गोपाल किराती रहने आयोजकले जनाएको छ । समितिले १४ वटै जिल्लामा प्रशिक्षण कार्यक्रम संचालन गर्न लागेको हो । कार्यक्रममा पहिचानवादी दल तथा शुभेच्छुकहरुलाई उपस्थितिको लागि आयोजकले आह्वानसमेत गरेको छ ।