उदयपुरमा राष्ट्रिय जनगणना २०७८ को काम आजबाट धमाधम सुरु (फोटोफिचरसहित)

पुजा राजधामी
पूर्णपुष्टि, कार्तिक २५
देशैभर आजबाट १२ औं तथा वृहत राष्ट्रिय जनगणना २०७८ को काम सुरु भएको छ । उदयपुरको त्रियुगा नगरपालिका–११ मा जिल्ला समन्वय समितिको प्रमुख खडग बहादुर परियार दर्नालको घरबाट विवरण टिपोट गरि जनगणना कार्य सुरु गरिएको हो ।
जिसस प्रमुख परियाको पारिवारिक विवरण संकलन गरि जिल्लामा गणना सुरु गरिएको जिल्ला जनगणना कार्यालयका प्रमुख शिव नारायण महतोले जनकारी दिनुभयो । गणनाको लागि उदयपुरमा १ सय ७ सुपरिवेक्षक र ४ सय ५४ जना गणक खटिएको महतोले बताउनुभयो । जनगणनाका लागि ८० वटा प्रश्नावली बनाइएको छ । गणकले घरपरिवारमा पुगेर प्रश्न सोध्नेछन् । हरेक व्यक्ति र परिवारले जनगणनामा सहभागी भएर आफ्नो सही विवरण टिपाउन महतोले आग्रह गर्नुभयो ।

पहिलो चरणको गणना पश्चात बिचमा दशैं तिहारको समयमा घर रङगाउदा लिप्दा घर–घरमा कोडिङ गरिएको नम्बर मेटिएकोले गणना कार्यमा चुनौती भएको फिल्डम खटिएका गणकहरुको भनाई रहेको छ । फिल्डमा काम गर्दै जादाँ पहिलो दिन भएकोले एक परिवारको मुख्य प्रश्नावली भर्नको लागि १ घण्टा सम्म समय लागेको गणकहरुको अनुभव छ ।

बिहीबारबाट देशैभर सुरु भएको गणना मंसिर ९ गते सम्म चल्नेछ । १५ दिनको अवधीमा ४० हजार गणकले प्रत्येक घर घरमा गई मुख्य प्रश्नावली भर्ने कार्य रहेको छ । गणनाको काम सुरु भएसंगै ८ हजार ५ सय जना सुपरिवेक्षकले गणकले गरेको कार्यको निरीक्षण गर्नुका साथै मार्गदर्शन गराउनु पर्ने हुन्छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: