१.
उदयपुरमा आज १६ जना कोरोना संक्रमित थपिएका छन् । ६५ जनाको परिक्षण गर्दा ६ महिला र १० पुरुषलाई कोरोना पुष्टि भएको हो । थपिएका संक्रमितहरु चौदण्डीगढीको १४, कटारीको १ र लिम्चुङबुङको १ जना रहेका छन् । योसंगै उदयपुरमा सक्रिय संक्रमितको संख्या १ हजार १११ रहेको छ । संक्रमितहरु मध्ये १ हजार ५७ जनाको होम आइसोलेशनमा र ५४ जनाको संस्थागत आइसोलेशना उपचार भइरहेको छ ।
२
उदयपुरमा आज ३५ जनाले कोरोनालाई पराजित गरी निको भएका छन् । निको हुनेमा त्रियुगाका २१, चौदण्डीगढीको १२, बेलकाको १ र उदयपुरगढीको १ जना हुन् । योसंगै जिल्लामा निको हुनेको कुल संख्या ३६३ पुगेको छ । आज थपिएको संक्रमित भन्दा निको हुनेको संख्या बढी हो ।
३
आज पनि २ जना कारोनाले मृत्य हुनेको संख्या थपिएको छ । बेलका नगरपालिका वडा नं. ५ का ५१ वर्षिय पुरुषको मृत्यु भएको हो । उनको विराट मेडिकल कलेजमा हिजो मृत्यु भएको जनाइएको छ । त्यसैगरी कटारी नगरपालिका २ को अर्का एक २८ वर्षिय महिलाको मृत्यु भएको हो । उनको नोवेल मेडिकल कलेज विराटनगरमा उपचारको क्रममा आज मृत्यु भएको जनाइएको छ । कटारीकी महिला उदयपुरको हालसम्मको मृत्यु हुने मध्येको कम उमेरकी हुन् । योसंगै उदयपुरमा मृत्यु हुनेको संख्या ४६ पुगेको छ । जसमा १५ महिला र ३१ पुरुषको मृत्यु भएको हो ।
मृत्यु हुनेको ठूलो संख्यामा त्रियुगाको अग्रस्थान कायमै छ । त्रियुगामा २४ जना हो भने चौदण्डीगढीमा ९ रहेको छ भने कटारी र बेलकामा ४/४ पुगेको छ । उदयपुरगढीमा ३ पुगेको छ । कटारी ३, रौतामाई १ र लिम्चुङबुङ १ जनाको मृत्यु संख्या रहेको छ । ताप्ली गाउँपालिकाम मृत्यु छैन ।
४
उदयपुर निशेधाज्ञको आज ३१ औ दिन प्रशासनले बजार क्षेत्रमाथिको भिडभाडप्रति कडाइ गरेको छ । नेपाल प्रहरी र सशस्त्र प्रहरी सक्रियपूर्वक खटेर अनावश्यक हिड्डुल तथा सवारी साधनमाथि कडाइ गरेको छ ।
प्रहरीले अनावश्यक निस्केका सयभन्दा बढि सवारीलाई कारवाही गरेको छ । ५९ वटा सवारीको चावी नियन्त्रण लिएर बेलुका ६ बजे छाडेको छ भने ३१ वटा सवारी जरिवानामा परेका छन् । जरिवानावापत आजमात्र २३ हजार राजस्व संकलन भएको प्रहरीले जनाएको छ ।
सर्बसाधारणलाई सम्झाई बुझाई छाड्दै आएपनि पटक पटक निशेधाज्ञ उलंघन गरेको पाइएकाले कारवाही तथा कडाइ थालिएको जिल्ला प्रहरी प्रमुख एसपी भीम दाहालले बताउनुभयो ।
एसपी दाहालका अनुसार, खाद्यान्न, औषधि जस्ता अतिआवश्यक काममा हिडेकालाई सोधपुछ गरी छाडिएको छ । तर विभिन्न वाहानामा घुम्न डुल्न वा ब्यक्तिगत काममा निस्केकाहरुलाई कडाई गरिएको उहाँले बताउनुभयो ।
अव देशको कोरोना अपडेट
५
नेपालमा आज ६ हजार ९५१ जना कोरोना संक्रमित निको भएका छन् । योसंगै नेपालमा निको हुनेको संख्या ४ लाख ९७ हजार ९६० पुगेको छ
नेपालमा आज ४ हजार ४७२ जना संक्रमित थपिएका छन् । योसंगै संंक्रमितको कुल संख्या ५ लाख ९१ हजार ४९४ भएको छ । आज ९२ जनाको मृत्यु भएको छ । योसंगै नेपालमा मृत्यु हुनेको कुलसंख्या ७ हजार ९९० पुगेको छ ।
नेपालमा सक्रिय संक्रमितको संख्या ८५ हजार ५४४ रहेको छ । आज पनि संक्रमित भन्दा निको हुनेको संख्या बढी छ । सक्रिय संक्रमितको संख्या निरन्तर घटिरहेको छ ।
अव विश्व कोरोना अपडेटको पालो
६
विश्वमा कोरोना संक्रमितको संख्या १७ करोड ४० लाख ५४ हजार ३१४ पुगेको छ । निको हुनेको संख्या १५ करोड ७० लाख ७२ हजार ४११ पुगेको छ । मृत्यु हुनेको संख्या ३७ लाख ४४ हजार ११६ पुगेको छ । विश्वमा सक्रिय संक्रमितको संख्या १ करोड ३२ लाख, ३७ हजार ८७८ रहेको छ । विश्वको सक्रिय संक्रमितको संख्या पनि क्रमश घट्दो रहेको छ ।
अव, कोरोना विरुद्ध गतिविधि खबर
७
कोभिड १९ खोप समन्वय तथा अनुगमन समितीले हाल सरकारले तोकेको लक्षित वर्ग ६२ देखि ६४ वर्ष उमेर समुहकालाई मात्र खोप लगाउने कुरालाई कडाइका साथ लागु गर्ने निर्णय गरेको छ ।
भिडभाड बढ्न सक्ने र स्वास्थ्यकर्मीहरुलाई दवाव बढ्न सक्ने अवस्थालाई मध्येनजर गर्दै हरेक खोप केन्द्रमा प्रहरीसमेत परिचालन गर्ने निर्णय भएको छ ।
स्वास्थ्य कार्यालय उदयपुरका खोप सुपरभाइजर चिरन्जीवि निरौलाका अनुसार कोभिड १९ विरुद्धको चाइनिज भ्याक्सिन भेरोसिल हाल ८ वटै पालिकाहरुमा केन्द्र तोकी लगाइनेछ । साथै फरकफरक मिति तोकिएको छ । कटारी अस्पतालमा जेठ २६ र २७ गते, उदयपुरगढी गाउँपालिका, नगरअस्पताल बेल्टार, नगर अस्पताल रामपुरमा २५ र २६ गते । ताप्ली गाउँपालिकामा २७ र २८ गते, रौतामाई गाउँपालिका र लिम्चुङबुङ गाउँपालिकामा २८ र २९ गते तोकिएको छ । जिल्ला स्पताल उदयपुरमा भने २७, २८, २९ र ३० गते लगाइनेछ । खोप लिन जाँदा नागरिकता वा अनिवार्य उमेर खुल्ने कागजात लिएर जानुपर्ने जनाइएको छ ।
८
कोरोना महामारी पछि स्थानीय सरकार विकास गतिविधिका कामलाई दोस्रो स्थानमा राख्दै नागरिकलाई कोरोनाबाट बचाउने काममा लागी परेको छ । विकास भन्दा पहिले नागरिकहरुको जीवनको सुरक्षा भएकाले स्थानीय सरकार कोरोना विरुद्ध जुटेको अवस्था छ ।