पूर्णपुष्टि, भदौ २५
बर्षाका कारण ताप्लीमा सडक सहज नहुँदा स्थानीय तथा यात्रुहरुलाई समस्या परेको छ । पटकपटक म्याद थप गर्दै निर्माण गरिएको बाटो बर्षाको मुखमा झनै कम्जोर बनेपछि पहिरोले बगाएको छ । पालिकाको नुनथला ठानागाउँ रुपाटार सडक बर्षाले भत्काएपछि स्थानीय यात्रुहरु बिचल्ली परेको छ । सडक अबरुद्धका कारण काठमाण्डौँ बाट आएको बस बेतेनीमै थन्कीनु परेको छ । निरन्तर सुचारु बाटोमा दिर्गकालिन सडक नबन्नु र ठेकेदारको लापर्वाही सडक निर्माण तथा समयमै काम नसक्नुले पनि बाटोलाई कम्जोर बनाउन मदत पुराएको छ । यसरी समयमै सडक निर्माणमा ढिलाई गर्ने र बर्षाको मुखमा काम गर्नाले सडक मजबुद्ध नभई कम्जोरी तर्फ लाग्ने स्थानीय युवा समिप राईको बुझाई छ । काम ढिलाई र मापदण्ड अनुसारको काम समेत नगर्दा पहाडी सडकहरु कत्ति पनि नटिक्ने राईको भनाई छ ।
राई आफै पनि शुक्रबार गाईघाट बाट घर जाने फर्केका थिए । तर पालिकाकै मुख्य सडक अवरुद्ध हुँदा सयौँ दैनिकी यात्रा गर्ने स्थानीयहरु अलपत्र परेको छ । आफु चडेको सवारी बाटोका कारण बिच बाटोमै अलपत्र हुँदा दिउँसो पुग्नु पर्ने यात्रुहरु रातको १२ बजे मात्र घर पुगेको उनले पिडा सुनाए । यात्रुहरु आफैले जोखिम मोलेर गाडी छिराउने बाटो खन्दै जाँदा करिब १२ बजिसकेको अवस्थामा घर पुग्नु परेको राईले जनाए ।
बाटोका अवस्था सम्झँदै चालक रबिन ठकुरी भन्छन्”, ज्यान सियोको टुप्पामा राखेर पनि यात्रुहरुलाई सेवा दिनु पर्ने बाध्यता छ । आफु सँगै यात्रुहरु सँधै हिडिराख्नु पर्ने सडकको अवस्था कस्तो छ भन्ने कुराको स्थानीय सरकार र जनप्रतिनिधिहरुलाई जानकारी राख्दा सुनुवाईनै हुँदैन ठकुरीले भने, ।
सडककै कारण पालिकाका १ नं वडामा रेको दिपक मगर र खेशर बहादुर मगरको घर जोखिममा परेको छ । उनिहरु दुवैजानाको घर सडकका कारण लड्ने अवस्थाम ापेगको छ । प्राविधिक स्टिमेटमै सडक निर्माण भएपनि केहि कुराहरु ब्यवहारिकता नभएको स्थानीयहरुको गुणासो छ । केही व्यवहारिकता भएको भए जनताको घरै लडाएर बाटो लानु पर्ने आवश्यक नरहेको समिप राईले बताए । बिगत ३ बर्ष देखि निरन्तर निर्माण गरिरहेको रौता कन्ट्रक्सनले काम जथाभावी गरेको स्थानीयहरुले जनाए । त्यस सडकलाई पटकपटक म्याद थपेर निर्माण गरेको भएपनि मजबुद सडक बनाउन ठेकेदार कम्पनीले नसकेको उनिहरुको गुणासो छ । यस्तैगरी स्थानीय सरकारले पनि यसको निगरानी र लेखाजोखा नराखेको प्रति स्थानीयहरुको आपत्ती छ ।
सडक मर्मतका लागि पालिका सँग आवश्यक स्रोत साधन हुँदाहुँदै पनि यात्रुहरु आफैले पहिरो पन्छाउँदै हिड्नु परेको गुानासो स्थानीयहरुमा छ । दुईदिन देखी अबरुद्ध अवस्थामा रहेको बाटो कोही बिरामी र आपत्त विपत परेमो ज्यान जाने अवस्था रहेको जनाएको छ । यसलाई तत्काल समधान गर्न स्थानीय सरकार लागिपर्नु पर्ने पनि स्थानीयहरुले माग राखेको छ ।
