पुर्णपुष्टि, असोज १
रुपन्देहीमा एक युवकले क्वारेन्टिनमै आत्महत्या गरेका छन् । बुधबार राति क्वारेन्टाइनको बाहिरपट्टी छतमा रहेको फलामको रडमा झुण्डिएर युवाले आत्महत्या गरेको इलाका प्रहरी कार्यालय बुटवलले जनाएको छ । 
देवदह नगरपालिका ४ सेमरानास्थित आदिवासी जनजाति महासंघको भवनमा रहेको क्वारेन्टिनमा २५ वर्षीय पिताम्बर पाण्डेले झुण्डिएर आत्महत्या गरेका हुन् । यसअघि पनि सोही क्वारेन्टिनमा एकजनाले शरीरमा आगो लगाउँदा मत्यु थियो । युवक भदौ १७ गते भारतबाट आएर क्वारेन्टिनमा बसेको थियो । पाँच दिन अगाडि कोरोना परीक्षण गरिएको उनको रिपोर्ट भने आउन बाकि थियो । उनले आत्महत्या गर्नुको कारण नखुलेको देवदह नगरपालिका स्वास्थ्य शाखा कार्यालयले जनाएको छ ।
