झापा, असार २९
झापामा खोलाले बगाएर एक जनाको मृत्यु भएको छ । कचनकवल गाउँपालिका–३ बस्ने ३५ बर्षीय किलु टुडुलाई खोलाले बगाएर मृत्यु भएको हो ।
आज दिउसो १२ बजे घर नजिकै रहेको खहरे खोला छेउमा हिडिरहेका टुडु एक्कासी लडेर खोलामा पर्दा सोही खोलाले बगाएर करिब २ सय मिटर तल खोला छेउमा उनको शव फेला परेको प्रहरीले जनाएको छ ।
घटनाको जानकारी पाउनसाथ तत्काल प्रहरी चौकी पथरीयाबाट प्रहरी टोली खटि गई घटनाको थप अनुसन्धान भईरहेको जिल्ला प्रहरी कार्यालय झापाले जनाएको छ ।