चारै खेल जितेर शिर्ष स्थानमा उक्लिएको फ्युजन क्लव पाँचौ चरणको खेलमा गाईघाट सँग पराजित

पूर्णपुष्टि, पुष १८
गाईघाट थारुहट रंगशालामा जारी उदयपुर (ए) डिभिजन फुटवल लिग प्रतियोगिताको पाँचौ खेलमा आईतबार ४ टिमले प्रतिस्पर्धा गरेको छ । आईतवार अर्थात (आज) बगाहा युवा समुह भर्सेस लालिगुराँस नव युवा क्लव र फ्युजन फुटवल क्लव बोक्से भर्सेस गाईघाट फुटवल क्लवले प्रतिस्पर्धा गरेका थिए ।

लिगमा अहिले सम्मकै उत्कृष्ट खेल प्रदर्शन गरेर शिर्ष स्थानमा उक्लिएको फ्युजन फुटवल क्लव बोक्सेलाई गाईघाट फुटवल क्लवले २–० को अन्तरले पराजित गरेको छ । खेल समयभरी गाईघाटले २ गोल प्रदर्शन गर्दा बोक्सेले भने कुनै पनि गोल फर्काउन सकेन । बोक्सेल हाल सम्म भएको चार खेल मध्ये चारै खेल जितेर लिगको शिर्ष स्थान ओगट्न सफल भएका थिए । यता गाईघाटले भने हाल सम्म १ खेल मात्र जितेका थिए ।

चार खेलमा बोक्सेल १२ अंक जोड्दा गाईघाटले जम्मा ४ अंक मात्र जेडेका थिए । पाँचौ चरणको खेलमा भने गाईघाटले बोक्सेलाई पराजित गर्दै अंक बढाउने काम गर्ने देखिएको छ । यता लालिगुँरास नव युवा क्लवले बगाहा युवा समुहलाई ३–० ले पराजित गरेको छ । खेल समयभरी लालिगुँरास नव युवा क्लवको तर्फ बाट ३ गोल प्रदर्शन हुदा बगाहा युवा समुह बाट कुनै गोलको प्रतिक्रिया आएन ।

चार खेल मध्ये हाल सम्म लालिगुँरास नव युवा क्वले २ खेल जितेको छ भने बगाहा युवा समुहले कुनै पनि खेल जित्न सकेको छैन् । लालिगुँरासको चार खेल खेलेर दुई खेल जित्दा लालिगुँरासले ६ अंक जोडेको थियो भने बगाहा ० अंकमै सिमित रहेको छ । आजको खेलको अंक भोली मात्रै सार्वजानिक हुने जिल्ला फुटवल संघ उदयपुरका सदस्य उदय राईले जानकारी दिए । राईले भोली पाँचौ चरणको खेल सकिए सँगै अंक बाढ्ने र जोड्ने काम हुने जनाए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: