ट्याक्टर अनियन्त्रित भई दुर्घटना हुदाँ चालकको मृत्यु, सहचालक घाईते

पूर्णपुष्टि, असोज २२

जिल्ला संखुवासभा खादबारी नगरपालिका २ चेवास्कुल छेउ भित्री सडक खण्डमा ट्याक्टर दुर्घटनाबाट चालकको मृत्यु, सहचालक घाईते भएका छन् । मृत्यु हुनेमा चालक संखुवासभा खादबारी नगरपालिका ५ लेलुवा का २५ बर्षीय मणी तामाङ रहेका छन् भने सोही स्थानका १९ बर्षीय महेन्द्र तामाङ घाईते भएका छन् ।

हिजो राती सँवा ८ बजे चेवाबाट चारबर तर्फ जादै गरेको प्र१०२००३ त १२२४ नम्बरको खाली ट्याक्टर आफै अनियन्त्रीत भई सडक देखी अन्दाजी १५ मिटर तल खसि दुर्घटना भएको थियो । घटनाको जानकारी पाए लगतै प्रहरी चौकी मानेभन्ज्याङबाट प्रहरी टोली खटि गई दुवै जना घाईतेलाई उपचारको लागी जिल्ला अस्पताल खादबारीमा पठाईएको हो ।

सो दुर्घटबाट गम्भिर घाईते भएका चालकको जिल्ला अस्पताल खादबारीमा उपचारको क्रममा राती साढे १० बजे मृत्यु भएको हो । घाईते सहचालकलाई थप उपचारको लागी धरान पठाईएको हो । ट्याक्टर घटनास्थलमानै रहेकोले निकाल्न पहल भईरहेकोे र घटना सम्बन्धमा थप अनुसन्धान गरिरहेको प्रहरी चौकी मानेभन्ज्याङले जनाएको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: