सुनसरी, फाल्गुन २६ गते ।
सुनसरीको ईनरुवामा ट्याङकरबो ठक्करबाट एक जना पैदल यात्रीको मृत्यु भएको छ । ईनरुवा नगरपालिका–६ घोपाली टोलमा तेल बोकेको ट्याङ्करले ठक्कर दिदा पैदलयात्री मोनीमाया गिरीको मृत्यु भएको हो ।
पश्चिमबाट पूर्वतर्फ जाँदै गरेको ना ७ ख ७१८१ नम्बरको ट्याङ्करले हिजो साँझ सवा ५ बजे स्थानीय ४८ वर्षीया गिरीलाई ठक्कर दिएको प्रहरीले जनाएको छ । ट्याङ्करको ठक्करबाट घाईते भएकी गिरीको जिल्ला अस्पताल ईनरुवामा उपचारको क्रममा बेलुका सवा ७ बजे मृत्यु भएको जिल्ला प्रहरी कार्यालय सुनसरीले जनाएको छ ।
ठक्कर दिने ट्याङकर र चालकलाई जिल्ला प्रहरी कार्यालय सुनसरीले नियन्त्रणमा लिएको प्रहरीले जनाएको छ ।