पूर्णपुष्टि, चैत्र १३
त्रियुगा रजत महोत्सवको अवसरमा त्रियुगा नगरपालिकाको प्रथम मेयर स्व. लालशेर राईप्रति उच्च सम्मान तथा सम्झना व्यक्त गरिएको छ । त्रियुगा नगरपालिका २५ औँ बर्ष पार गरेको भन्दै उक्त स्थापनाको जन्मजयन्तीको अवसरमा स्व. लालशेर राईलाई सम्मान गरिएको हो ।
महोत्सवमा त्रियुगा नगरपालिकाका मेयर बलदेब चौधरीले नगरपालिका प्रति उहाँको संघर्ष, विकास र योगदानको कदर गरेका थिए । आज त्यो बेलाको नगरपालिका २५ बर्षपछि जनताको ठुलो सेवाको आस्था बन्न सफल भएको भन्दै लालशेर राई प्रति उच्च सम्मान व्यक्त गरिएको हो ।
महोत्सवको समापन कार्यक्रमको बक्ताहरु, मान वहादुर राई, प्रकाश खड्का, देवी कुमारी चौधरी, गिता खड्का लगायत अन्य वक्ताहरुले स्व. लालशेर राईको नगरपालिका र नगरवासीहरुमा पुराएको योगदान बारे चर्चा गरेका थिए । त्रियुगा नगरपालिका २५ औँ बर्षको अवसरमा सजत महोत्वले स्व. लालशेर राईलाई मरोपरान्त सम्मान गरेका थिए । सम्मान पत्र स्व. लालशेर राईको कान्छो छोरा समिप राईलाई प्रदान गरिएको थियो ।
