नेपाल भारतको सिमाबाट अपहरणमा परेका १३ वर्षीय बालक १० घण्टापछि सकुशल उद्दार

पूर्णपुष्टि, असोज २२
सुनसरीको कोशी गाउँपालिका–७ नेपाल भारत सिमा नजिकैबाट अपहरणमा परेका १३ वर्षीय बालकलाई प्रहरीले सकुशल उद्दार गरेको छ । अपहरणमा परेको १० घण्टापछि जिल्ला प्रहरी कार्यालय सुनसरीबाट खटिएको प्रहरी र भारतीय प्रहरीको समेत सहयोगमा बालकलाई उद्दार गरीएको हो ।
अपहरणमा संलग्न रहेको अभियोगमा भारत सुपौल ग्राम पंचायत बलबदैपुर–६ बैरयाकमाल बस्ने मुकुम मिँयालाई प्रहरीले पक्राउ गरेको छ । प्रहरीले खोजी गर्ने क्रममा मिँयाले अपहरण गरी घरमा राखेको अवस्थामा फेला पारी ती बालकको उद्दार गरेको हो ।

मिँया नेपालबाट भारततर्फ नेपाली ज्याला मजदुरी गर्ने कामदारहरु लैजाने ठेक्दार रहेकोमा मिँयालाई नेपाली कामदारहरु १५ र २० जनाको संख्यामा उपलब्ध गराई दिन्छु भनी नेपालतर्फ सुनसरी कोशी गाउँपालिका–७ बस्ने भुल्टन सदा लगायत ५ जनाले अग्रीम २ लाख पैसा भुक्तानी लिई कामदार पठाउने भनेका थिए ।

तर उनीहरुले कामदार नपठाएपछि मिँया लगायतको समूहले भुल्टन सदाको गाउँकै ती बालकलाई अपहरण गरी कुटपिट समेत गरेको प्रारम्भिक अनुसन्धानबाट खुल्न आएको जिल्ला प्रहरी कार्यालय सुनसरीले जनाएको छ ।
अपहरण मुक्त भएका ती बालकलाई अभिभावकको जिम्मा लगाउनुका साथै मिया उपर अपहरण तथा शरीर बन्धक कसूरअन्तर्गत थप अनुसन्धान भइरहेको उक्त प्रहरीले जनाएको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: