पूर्णपुष्टि, भदौ १९
बाग्लुङको ढोपाटन नगरपालिकाको बाढी पहिरो प्रभावित क्षेत्रको गृहमन्त्री रामबहादुर थापा (बादल) सहितको टोलीले स्थलगत निरीक्षण गरेको छ ।
त्यसक्रममा ढोरपाटन नगरपालिका–७, ८ र ९ मा गएको बाढीमा मृत्यु भएका आठ जनाको परिवार र प्रभावितलाई राहत समेत वितरण गरिएको छ ।
बिहीबार मौसमबाट कारण बाढी प्रभावित क्षेत्रमा पुग्न नसकी फर्किएको टोली शुक्रबार बिहान बागलुङका लागि उडेको थियो । टोलीमा गृहमन्त्री थापासहित सांसद देवेन्द्र पौडेल, राष्ट्रिय विपद जोखिम न्यूनीकरण प्राधिकरणमा प्रमुख कार्यकारी अधिकृत अनिल पोखरेललगायत छन् ।
बाढी प्रभावित क्षेत्रमा पुगेर उनीहरु पोखरा फर्किसकेको र पोखराबाट केहीवेरमा काठमाडौं फर्किने कार्यक्रम रहेको गृहमन्त्री थापाको सचिवालयले जनाएको छ ।
गृहमन्त्री थापासहितको टोली यसअघि पनि राहत लिएर सिन्धुपाल्चोक र अछामको बाढी प्रभावित क्षेत्रमा पुगेको थियो ।