पूर्णपुष्टि, २५
सुनसरी रामधुनी–६ कान्छि चौक चतरा सडक खण्डको सुनसरी खोला पुलमा मोटरसाईकल अनियन्त्रीत भई दुर्घटना हुँदा चालकको मृत्यु भएको छ, भने एकजना घाईते भएका छन् । दुर्घटनामा मोरङ कानेपोखरी गाँपालिका–६ का १८ वर्षीय रितिक राईको मृत्यु भएको हो । त्यस्तै, मोटरसाईकलमा पछाडी सवार सोही स्थानका २१ वर्षीय निरज राई भने घाईते भएका हुन् ।
हिजो राती १२ बजे उत्तर तर्फ जादै गरेको ३६ प ९५८ नम्बरको मोटरसाईकल आफै अनियन्त्रित भई ठोक्किएर दुर्घटना हुँदा दुवै जना घाईते भएका थिए । घाईते दुवैलाई उपचारको लागि घोपा धरानमा पठाईएको थियो । उपचारको क्रममा रितिकको आज बिहान ३ बजे मृत्यु भएको अस्पतालले जनाएको छ । अर्का घाईते निरजलाई थप उपचारको लागि बिराट नर्सिङ होम बिराटनगर रेफर गरिएको छ । दुर्घटना भएको मोटरसाईकललाई ईलाका प्रहरी कार्यालय पकलीमा राखिएको छ । घटनाको बोरेमा थप अननुसन्धान अगाडी बढाईएको जिल्ला प्रहरी कार्यालय सुनसरीले जनाएको छ ।