बसाहा, चैत्र २६
मंगलबारदेखी उदयपुरको बसाहामा सुरु भएको चौथो बसाहा राईजीङ गोल्डकप महिला फुटबल प्रतियोगिताको उद्घाटन खेलमा माउण्टेन एभरेष्ट स्पोरटिङ क्लव सुनसरी बिजयी भएको छ ।
सार्लाही ११ लाई १–० ले हराउँदै सुनसरीले बिजयी सुरुवात गरेको हो । खेलको ५२ नौँ मिनेटमा सुनसरीका जर्सि नं १० का मुना मगरले गोल गरेकी थिइन् । सोही गोल नै अन्तिम निर्णायक गोल बन्न पुगेको हो ।
बसाहा राईजीङ युवा क्लवको आयोजना तथा चौदण्डीगढी नगरपालिका र नगर खेलकुद विकास समिति चौदण्डीगढीको प्रायोजनमा भईरहेको खेलमा अन्य टिमहरु गाइघाट फुटवल क्लव उदयपुर, बसाहा राईजीङ युथ क्लव, धनकुटा फुलवल संघ धनकुटा, बेलका नगरपालिका, र पारिजात महिला फु्टवल क्लव झापा गरी जम्मा सात टिमको सहभागी छ ।
आायेजक समितिका प्रमुख सल्लाहकार दिनेश राईका अनुसार २९ गते फाईनल हुने प्रतियोगिताको विजेतालाई ७५ हजार नगद पुरस्कार, सिल्ड र उपविजेतालाई ३५ हजार नगद, सिल्ड प्रदान गरिने छ ।
चौदण्डीगढी नगरपालिकाका मेयर खगेन्द्र राईले उद्घाटन गर्नुभएको प्रतियोगिताले महिला फुटबलको क्षेत्रमा टेवा पुर्याएको छ । मेयर राईले महिला फुटबल खेलाडीहरुका लागि अवसर र अभ्यास बोकेको गोल्डकपको महत्व रहेको बताउनुभयो ।