लिभिङ टुगेदर बस्दैँ आएका युवा–युवती मृत अवस्थामा फेला

पूर्णपुष्टि, पुष २३
लिभिङ टुगेदर बसेका एक जोडी युवा–युवती काठमाडौंको बौद्धस्थित एक घरको कोठाभित्र मृत अवस्थामा फेला परेका छन् । संखुवासभाका २५ वर्षीय अनिश जिमी र खोटाङकी २२ वर्षीया युसिना राई मृत अवस्थामा फेला परेका हुन् ।
गएराति काठमाडौं महानगरपालिका–६ बौद्धको राधाकृष्ण मन्दिरस्थित एक घरको कोठामा युवक र युवती मृत फेला परेको महानगरीय प्रहरी परिसर काठमाडौंले जनाएको छ । प्रहरीका अनुसार उनीहरू भिडिओ गेम पब्जीबाट नजिकिएका थिए । उनीहरू सँगै बस्न थालेको २०–२२ दिन मात्रै भएको प्रहरीले जनाएको छ ।

घटनामा कुनै तेस्रो व्यक्तिको संलग्नता छ कि छैन भन्ने अनुसन्धान भइरहेको छ । गएराति अनिश र युसिना दुबै मासु र चिउरा खाएर सुतेका थिए ।
आमाले बोलाउँदा उनीहरूले ढोका खोलेका थिएनन् । ढोका नखोलेपछि बहिनीको छोरालाई बोलाएर ढोका फोड्न लगाएका थिए । कोठाभित्र हेर्दा युसिना बेडमा मृत अवस्थामा फेला परेकी थिइन् ।
त्यस्तै, छेउमै अनिश पनि मृत अवस्थामा फेला परेका थिए । घटनास्थलबाट धारिलो हतियार पनि फेला परेको प्रहरीले जानकारी दिएको छ । प्रहरी घटनास्थलमा पुग्दा अनिशको शरीर तातै भएकोले उनलाई चाबहिलस्थित हेल्पिङ ह्याण्ड अस्पताल लगिएकोमा अस्पतालले मृत घोषणा गरेको हो ।
यसमा युवकले पहिले धारिलो हतियार प्रयोग गरी युवतीको हत्या गरेपछि आत्महत्या गरेको हुनसक्ने प्ररम्भिक अनुसन्धानमा देखिएको प्रहरीको भनाई छ ।
यद्यपी यसको पुष्ट्याइ पोष्टमार्टम रिपोर्टले गर्ने प्रहरीले जनाएको छ । प्रहरीले शवको पोष्टमार्टम गर्न शिक्षण अस्पताल लैजाने तयारी गरेको छ । घटनाबारे थप अनुसन्धान भइरहेको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: