पूर्णपुष्टि,कार्तिक १८
विराटनगरको न्युरो अस्पतालमा आज एकै दिन २ जना कोरोना संक्रमित पुरुषको मृत्यु भएको छ । धरान–१५ का ६३ वर्षीय पुरुष र विराटनगर– ११ का ४९ वर्षीय पुरुषको मृत्यु भएको हो ।
कोरोना भाईरस कोभिड–१९ का विरामिहरुको उपचार सुरु गरीएको अस्पतालमा आज दुईजना कोरोना संक्रमितको मृत्यु भएको अस्पतालले जनाएको छ ।
धरानका पुरुषको आज बिहान ३ः३० बजे मृत्यु भएको थियो भने विराटनगरका पुरुषको आज बिहान ३ः५० मृत्यु भएको थियो । उनीहरुको २० मिनेटको अन्तरमा मृत्यु भएको थियो ।
धरानका पुरुषमा असोज २७ गते कोरोना पुष्टि भएको थियो । उनलाई कात्तिक १२ अस्पताल भर्ना भएका थिए ।
विराटनगरका पुरुष कात्तिक १४ मा अस्पताल भर्ना भएका थिए । उनमा भर्ना भएकै दिन कोरोना पुष्टि भएको थियो ।
