पूर्णपुष्टि, असार २०
सार्वजानिक पद सम्हालेर कार्यकाल सकिए पछि दाङका जितेन्द्रमान नेपाली आफ्नै पुरानो काममा फर्किएका छन् । उनि आफ्नै पुरानो र पद भन्दा साधारण पेशामा फर्किए सँगै उदाहरणीय व्यक्तिको रुपमा समेत परिचित बनेका छन् । उनि २०७४ सालमा अघि जिल्ला समन्वय समिति दाङका प्रमुख बनेका थिए । नेपाली नेकपा एमाले बाट दाङका समन्वय प्रमुखमा निर्वाचित बनी ५ बर्ष पद सम्हालेका व्यक्ति हुन् । अहिले आफ्नो कार्याकाल पुरा गरी पुरानै पेशामा आवद्ध बनेका छन् । काममा फर्किए सँगै जितेन्द्र फरक मात्रै हैन उदाहरणीय व्यक्ति समेत बनेका छन् । राजनीतिकर्मी, त्यसमा पनि सार्वजनिक पद धारणा गरिसकेपछि हत्तपत्त मानिसहरु श्रममा फर्किन रुचाउँदैनन् । तर उनि यसै कारण फरक भइदिए ।
जितेन्द्रमान एमाले लुम्बिनी प्रदेश कमिटीका सदस्य पनि हुन् । तर राजनीतिसँगै टेलरिङ पेशालाई निरन्तरता दिएका छन् । राजनिति गरेर मात्र पेट भरिन्न कुनै एउटा आफ्नो श्रम हुनु पर्ने उनको धारणा छ । राजनितीमा लागेपछि मानिसहरु सोखिन हुने र श्रम नगरी पैसा कमाउने प्रविद्धी बढेको उनको बुझाई छ । जितेन्द्रले श्रम गर्दा आफुलाई लाज नभई गर्व लाग्ने समेत जनाए । श्रम गर्दा उनलाई ‘नेता जस्तो मान्छेले के काम गरेको’ भनेर खिसिटिउरी गर्नेहरु नभए थिए । तर उनले आफ्नो काम छाडेका छैनन् । उनले आफ्नो सफलतामा राजनितिको भन्दा श्रमको भुमिका बढी रहेको जनाए । जितेन्द्रले बिगतमा आफु धेरै जातिय बिभेदको पात्र बनेको समेत सुनाए । त्यो बेला जातिय बिभेदले जरा गाडेको थियो । समाजमा बस्न र हिड्न पनि अपराध गरे जस्तो बन्नु पर्ने समस्या थियो । जातिय बिभेदकै कारण आफुले कोट लगाएर बजार जाँदा समेत होचोहेला भएको उनी सम्झिन्छन् । दलित भएर के लगाएको भनेर होच्चाएकै कारण लामो समयसम्म कोट लगाएनन् । ‘ ‘प्रत्येक पाइलामा विभेद भोग्नु पर्थ्यो उनले भने ।