पूर्णपुष्टि, पुष १४
सुनसरीको भोक्राहानर्सिङ गाउँपालिका–४ स्थित मोडल पव्लिक स्कूलको सामान चोरी गरेको अभियोगमा दुई युवक पक्राउ परेका छन् । । जिल्लाको भोक्राहानर्सिङ–५ का १८ वर्षीय प्रवेज आलम र २१ वर्षीय सुरज भुजेल स्कूलको समान चोरी गरेको अभियोगमा पक्राउ परेका हुन् ।
पव्लिक स्कुलको कोठाबाट कम्प्युटरको सीपीयु ३ थान, एलसिडी ३ थान ३, प्रोजेटर मिसिन १ थान र पानी तान्ने मोटर २ थान चोरी भएको थियो ।
चोरी भएको सुचना प्राप्तहुनासाथ जिल्ला प्रहरी कार्यालय सुनसरीबाट खटिएको प्रहरी टोलीले अनुसन्धानको क्रममा निजहरुको घर नजिकै रहेको परालको टालीमा लुकाई राखेको अवस्थामा उक्त समानहरु बरामद गरिएको हो । दुबै जनाले राती २ बजे हयाक्सो ब्लेडले स्कुलको ढोकाको चाभी काटी उक्त समानहरु चोरी गरका थिए । बरामद भएको समानसहित चोरीमा संलग्न दुबै जनालाई जिल्ला प्रहरी कार्यालय सुनसरीबाट थप अनुसन्धान भईरहेको जनाइएको छ ।
