१० वर्षीया बालिका करणी गरेर भागेका बस्नेत भारतीय सिमावर्ती क्षेत्रबाट पक्राउ

पूर्णपुष्टि, पुष २०
१० वर्षीया बालिकालाई जबरजस्ती करणी गरेर भागेका एक जना युवा पक्राउ परेका छन् । धनकुटा नगरपालिका–९ छिम्सुवाका २० वर्षीय सरोज भनिने गोपी बस्नेत मोरङ्गस्थित नेपाल–भारत सिमावर्ती क्षेत्रबाट पक्राउ परेका हुन् ।
करणी गरेका बस्नेत विरुद्ध पीडित पक्षले प्रहरीमा उजुरी दिएपछि फरार उनी फरार भएका थिए । घटना गत असोज ९ गतेको थियो । घटना भएको तीन महिनापछि बस्तेत पक्राउ परेका हुन् । वालिका गोठालो गएका बेला बस्नेतले बालिकामाथि करणी गरेको आरोप छ । बालिकाले घटनाको बारेमा बताएपछि पीडित पक्षले जिल्ला प्रहरी कार्यालयमा उजुरी दिएका थिए । आफुविरुद्ध उजुरी परेपछि बस्नेत फरार भएका थिए ।
खोजतलास गर्ने क्रममा उनलाई मोरङ्गस्थित भारतीय सिमावर्ती क्षेत्रबाट पक्राउ गरिएको धनकुटाका प्रहरी प्रवक्ता डिएसपी सुरज कार्कीले जानकारी दिनुभयो ।
प्रहरीले बस्नेतविरुद्ध जबरजस्ती करणी कसुरमा मुद्दा दर्ता गरेको छ । जिल्ला अदालतबाट म्याद थप गरेर घटनाको विषयमा थप अनुसन्धान भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: