मोरङ, साउन २२ गते ।
मोरङको बेलबारीमा आगलागी हुदा तीन घर जले नष्ट भएको छ । बेलबारी नगरपालिका – ११ मा तीन घर जलेर नष्ट हुदा करिब १६ लाख को क्षती भएको हो ।
गतराती सवा ८ बजे स्थानिय सुजन राईको घरमा विजुुली सर्ट भई एक्कासी आगलागी हुदा छिमेकी कुमार विक र दिलकुमारी लिम्बुको घर जलेर नष्ट भएको प्रहरीले जनाएको छ । टिनको टानो भएको उक तले घर जलेर नष्ट भएको प्रहरीले जनाएको छ ।
आगोमा परि लिम्बुको ४ वटा बाख्रा जलेर मरेको थियो । प्रहरी र स्थानीयको सहयोगमा पौने ९ बजे आगो नियन्त्रणमा लिएको प्रहरीले जनाएको छ ।