पूर्णपुष्टि, पुष ११ । उदयपुरमा दोस्रो त्रियुगा अन्तर मा.वि.मेयर रनिङ शिल्ड प्रतियोगिता २०८० को उद्घाटन भएको छ । त्रियुगा नगरपालिका–११ स्थित थारुहट रंगशालामा बुधबार त्रियुगा नगरपालिकाका मेयर बसन्त कुमार बस्नेतले दोस्रो त्रियुगा अन्तर मा.वि.मेयर रनिङ शिल्डको उद्घाटन गरे सँगै प्रतियोगिता सुरु भएको हो ।
जिल्ला खेलकुद विकास संघ उदयपुरको आयोजना र त्रियुगा नगरपालिकाको समन्वयमा ‘स्वास्थ्यको लागी खेलकुद, राष्ट्रको लागी खेलकुद’ भन्ने नाराका साथ प्रतियोगिता सुरु गरिएको छ ।
प्रतियोगितामा त्रियुगा नगरपालिका भित्रका सामुदायिक र संस्थागत गरी ३२ वटा विद्यालयहरुले सहभागिता जनाएको छ । यस प्रतियोगितामा ५ वटा विधा अन्तर्गत खेल खेलाईने र सम्बन्धित संघ संस्थाको नियम अनुसार खेलाईने आयोजक जिल्ला खेलकुद विकास समितिका सचिव किरण कार्कीले जानकारी दिए ।
पुष ११ गते देखी संचालन भएको प्रतियोगिता पुष १४ गतेसम्म हुनेछ । प्रतियोगितामा भलिबल ,कराते, तेक्वान्डो, कबड्डी र एट्लेटिक्सका खेल खेलाईने छ । उद्घाटनमा मेयर वस्नेत सहित बिषेश अतिथि उपमेयर महेश्वरी राई, जिल्ला अधिकारी हरिप्रशाद घिमिरे, जिल्ला प्रहरी कार्यालयका प्रमुख एसपी रमेश थापा र त्रि.न.पा.का अन्य जनप्रतिनिधिको उपस्थिति रहेको थियो ।
