पूर्णपुष्टि, जेष्ठ १४
कोरोनको उच्च दरको मुख्य कारण बिबाह भोज भतेर तथा पुजा पाठ रहेको भन्दै जिल्ला प्रशासनले अब देखि यसका लागि सिफारिस नगर्ने जनाएको छ ।
कसैले यसको विरुद्धमा कार्य गरेको खण्डमा प्रशासनले कडा कार्वाही गर्ने जनाएको छ । सामान्यतया खाद्यन्न र अन्य हिसावले भन्दा पनि बिबाह तथा पुजा पाठले संक्रमण बढाएको रिपोर्ट प्राप्त भए सँगै बिबाहलाई पनि प्रशासनले पूर्ण रोक लगाएको हो ।
प्रशासनले पछिल्लो समयको निषेधाज्ञालाई व्यवस्थित र कडाईका साथ लागु गर्ने जनाएको छ । पछिल्लो ७ दिनका लागि थपिएको निषेधाज्ञाले संक्रमणको दर घटाउँदै सकरात्मक परिणाम दिनेमा प्रशासन ढुक्क रहेको साहायक जिल्ला प्रमुख जिल्ला अधिकारी विनोद पोखरेलले बताउनुभयो ।
उहाँले अहिले हुन लागिरहेको देवाली जस्तो पुजालाई पनि बन्देज गराएको बताउनुभयो । यो भन्दा पहिले बिबाह तथा पुजा पाठलाई महत्वको कार्यको रुपमा छाडेको भएपनि यसैको कारण आज जिल्लामा कोरोनको भयावह बनेको भन्दै यसलाई पनि तत्कालका लागि रोक लगाइएको अधिकारी पोखरेलले बताउनुभयो ।