पूर्णपुष्टि/उदयपुर, जेठ ७ ।
उदयपुर सिमेन्ट उद्योग लिमिटेडका मजदुरहरूले तीन वर्षदेखि तलब र सुविधासम्बन्धी समस्या भोग्दै आएका छन् । उद्योगमा न्यून उत्पादनको अवस्थामा मजदुरहरूले १५ महिनाको तलब, ४४ महिनाको सञ्चयकोष र ३ महिनाको नागरिक दर्ता कोषसमेत पाएका छैनन् ।
उद्योग व्यवस्थापनले १५ दिनभित्र तलब उपलब्ध गराउने प्रतिवद्धता जनाएको भए पनि समयसीमा भित्र तलब उपलब्ध नगराउँदा मजदुरले गत २४ गते आन्दोलनको कार्यक्रम सञ्चालन गरेका थिए ।
उद्योग व्यवस्थापनले उत्पादन र कर्मचारी व्यवस्थापनको पूर्ण जिम्मेवारी आफूमाथि रहेको र सबै सम्बन्धित निकायलाई जानकारी गराइएको जनाएको छ ।