पूर्णपुष्टि,वैशाख २१ । उदयपुरको गाईघाटमा जारी प्रथम उप–मेयर महिला फुटबल प्रतियोगिताको अन्तिम सेमिफाइनल खेलमा NBYC सप्तरीलाई हराउँदै PSWC मथरी मोरङ फाईनलमा प्रवेश गरेको छ । बिहिबार त्रियुगा नगरपालिकाको थरुहट रंहशालामा भएको अन्तिम सेमिफाइनल खेलमा सप्तरीलाई ० को विरुद्ध १ गोल गर्दै पथरी मोरङ फाइनलमा प्रवेश गरेको हो ।
प्रतियोगिता दिनको ४ः३० बजे देखि सुरु भएको खेलमा मोरङका तर्फबाट जर्सि नम्बर ९ का खेलाडि सुप्रिया मियाले उत्कृट खेल प्रदर्शन गर्दै पहिलो हाफको २९औँ मिनेटमा गोल गर्दै टिमलाई अग्रता दिलाएकी थिइन् । निकै प्रतिस्पर्धात्मक अन्तिम सेमिफाइलन खेलको निर्धारित समय सम्मको पहिलो र दोस्रो हाफ सम्म पनि सप्तरीको तर्फबाट भने जवाफि गोल गर्न नसक्दा मोरङले फाइनलको ढोका ढक–ढकाउँन पुगेको हो । खेलको अवधि भरी उत्कृट खेल प्रदर्शन गर्दै गोल गर्ने मियाँले Women of the match संगै नगद रु,२ हजार प्राप्त गरेकि छिन् ।
यस प्रतियोगिताको फाइनल खेल आगामी वैशाख २३ गते शनिवार थरुहट रंहशालामा दिनको ठिक ३ः३०बजे देखि आजको बिजेता टिली मोरङ र All in One क्लव झापा बिच प्रतिस्पार्धा हुने त्रियुगा नगर युवा तथा खेलकुद विकास समितिका सचिव किरण कार्कीले बताए ।
त्रियुगा नगरपालिकाको मुख्य प्रायोजनमा जारी प्रतियोगितामा त्रियुगा नगरपालिकाको १६ वटै वडा, नेपाल टेलिकमले समेत प्रतियोगीताको लागि प्रायोजन गरेको छ । प्रतियोगीतालाई अखिल नेपाल फुटबल संघ एन्फाको सहयोग तथा त्रियुगा नगर युवा तथा खेलकुद विकास समिति उदयपुरले समन्वय गरेको छ । प्रतियोगीताको बिजयी समुहलाई नगद रु, १ लाख ट्रफि,मेडल प्रमाण पत्र प्राप्त गर्ने छन् भने उप–बिजेता रु ५० हजार नगद पुरस्कार, मेडल प्रमाण–पत्र प्राप्त गर्ने जिल्ला फुटबल संघ उदयपुरका अध्यक्ष रन्जन कार्कीले बताए ।
