पूर्णपुष्टि, बैशाख ११ गते ।
नेपालमा थप दुईजना कोरोना संक्रमित उपचारपछि निको भएका छन् । ८१ वर्षीया जेष्ठनागरिक र र ५८ वर्षीय पुरुष उपचारपछि निको भएर घर फर्किएका हुन् ।
पाटन अस्पतालमा उपचारार्थ पेप्सीकोलाको सनसीटी अपार्टमेन्टमा बस्दै आएका ८१ वर्षीय महिला र ५८ वर्षीय पुरुष उपचारपछि निको भएर घर फर्किएका स्वास्थ्य मन्त्रालयले जनाएको छ । उनीहरु एकै परिवारका हुन् ।
उनीहरुसँगै नेपालमा कोरोना संक्रमित उपचारपछि निको हुनेको संख्या ९ पुगेको स्वास्थ्य मन्त्रालयले जनाएको छ ।