पूर्णपुष्टि, असार २५
संखुवासभा चिचिला गाउँपालिका–२ घर भई हाल सोही स्थान दिदीको घरमा बस्दै आएका २६ बर्षीय पेमा शेर्पाको खुकुरी प्रहार गरी हत्या भएको छ । खादबारी नगरपालिका–१ तिलार नयाँबस्ती का २४ बर्षीय मुकेस तामाङले शेर्पालाई खुकुरी प्रहार गरी हत्या गरेको हो ।
आज बिहान ९ बजे मृतकको घरदेखी अन्दाजी ५०० मिटर दक्षिण खोल्सीमा उनको शब फेला परेको जानकारी प्राप्त हुन साथ जिल्ला प्रहरी कार्यालय संखुवासभाबाट प्रहरी टोली खटि गई मुकेस तामाङलाई नियन्त्रणमा लिईएको थियो । पुरानो रिसिईबीको कारण गएराती २ बजे आफ्नो घरमा आएका पेमा शेर्पालाई खुकुरी प्रहार गरी गम्भीर घाईते बनाई छाडेको भन्ने पक्राउ परेका मुकेसको प्रारम्भिक अनुसन्धानबाट खुलेको छ ।
घटना सम्बन्धमा थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।