पूर्णपुष्टि, असार १ गते ।
गण्डकी प्रदेशमा थप ६ जनामा कोरोना संक्रमण पुष्टि भएको छ ।
तनहुँको घिरिङ गाँउपालिकाका ५ जना र नवलपरासी सुस्ता पूर्वको बौदिकाली गाँउपालिकाका एक पुरुषमा सङ्क्रमण पुष्टि भएको प्रदेश स्वास्थ्य निर्देशनालयले जनाएको छ ।
उनीहरुलाई तनहुँकै जीपी कोइराला श्वासप्रश्वास केन्द्रको आइसोलेसनमा राख्ने तयारी भएको जनाईएको छ ।
यो सँगै गण्डकी प्रदेशमा संक्रमितको संख्या २ सय ५ पुगेको छ । संक्रमित मध्ये २० जना निको भएर घर फर्किएका छन् भने एक जनाको मृत्यु भएको छ ।
